“Usa ka Espesyal nga Gasa sa Pasko,” Higala, Disyembre 2025, 44–45.
Usa ka Espesyal nga Gasa sa Pasko
Usa ka tinuod nga istorya gikan sa Finland.
Ang kasingkasing ni Phoebe paspas nga nagpitik sama sa mga snowflake. Karon mao ang Bisperas sa Pasko! Si Lola ug si Lolo moabot sa dili madugay. Ang Christmas tree misidlak. Si Phoebe nagkinto nga naglakaw libot sa Christmas tree ug nagtan-aw sa mabulokon nga mga regalo sa ubos niini. Naghunahuna siya kon unsa kaha ang iyang regalo!
Si Mama ug si Papa nabisi sa kusina nga nagluto og lamian nga pagkaon. Humot kaayo kini! Kining Finnish nga mga bolabola, mga casserole, ug gingerbread nga mga cookie. Mmm!
“Oras na ba para sa mga regalo?” Si Phoebe nangutana.
“Dili pa. Manan-aw una kita og bidyo mahitungod ni Jesus,” miingon si Papa. “Ang Pasko mao ang panahon nga kita magsaulog sa pagkatawo ni Jesukristo.”
Ang tanan nagpundok aron manan-aw sa bidyo mahitungod sa bata nga si Jesus. Si Phoebe hilom nga mitan-aw.
“Si Jesus wala natawo sa ospital,” miingon si Phoebe. “Natawo siya didto sa usa ka kwadra nga may mga sagbot ug mga hayop!”
“Husto kana,” miingon si Mama. “Si Jesus mao ang espesyal nga gasa sa Dios ngari nato. Siya mianhi aron ipakita nato kon unsa ka dako ang gugma sa Dios kanato.”
Si Phoebe mibati og kainit ug kalipay sa iyang kasingkasing. Naghunahuna siya ni Jesus ug kon unsa ka dako ang Iyang gugma kaniya. Siya nasayod nga Siya mao ang labing espesyal nga gasa sa tanan.
Mga paghulagway pinaagi ni Violet Lemay