“Kumusta gikan sa South Africa!” Higala, Disyembre 2025, 8–9.
Kumusta gikan sa South Africa!
Ang South Africa usa ka nasod nga anaa sa habagatang tumoy sa Africa. Sobra sa 60 ka milyon ka tawo ang nagpuyo didto. Kini nga nasod adunay 12 ka opisyal nga mga pinulongan.
Taytayan sa Bloukrans
Sa kasamtangan mao kini ang labing taas nga taytayan sa Africa! Nahuman kini niadtong 1983 ug nagbarog mga 708 ka pye (216 m) ibabaw sa suba.
Mga Langob sa Cango
Ang mga Langob sa Cango nadiskobre sa usa ka mag-uuma niadtong 1780. Ang mga langob ug mga lawak namugna tungod sa tubig nga nagdagayday sa anapog nga bato sulod sa dugayng panahon.
Ang African Penguin
Kini nga mga penguin nagpuyo sa kabaybayonan sa South Africa. Ang matag penguin adunay pat-ak nga pink nga panit ibabaw sa ilang mata nga makatabang nila nga mabugnaw kon init sa gawas.
Sardinas nga Nanglangoy
Minilyon sa mga sardinas magdungan sa pagbalhin subay sa kabaybayonan sa South Africa atol sa tingtugnaw dinhi sa Africa gikan sa Mayo ngadto sa Hulyo. Ang grupo sa mga isda mga 4 ka milya (7 km) ang gitas-on!
Blue Crane
Ang blue crane mao ang nasudnong langgam sa South Africa. Ang labing dako nga grupo sa mga blue crane sa kalibotan nagpuyo dinhi!
Johannesburg South Africa Temple
Durban South Africa Temple
Cape Town South Africa Temple (gitukod pa)
Mga paghulagway pinaagi ni Naomi Skinner