“3 ka Gasa nga Ikahatag Karong Pasko,” Higala, Disyembre 2025, 20–21.

3 ka Gasa nga Ikahatag Karong Pasko

Ni Elder S. Mark Palmer

Sa Seventy

Gikuha gikan sa “Bililhong mga Gasa” (Debosyonal sa Pasko sa Unang Kapangulohan, Dis. 8, 2024), Librarya sa Ebanghelyo.

Usa ka batang lalaki nag-istorya, duha ka batang babaye naggakos, ug usa ka batang babaye nagtulod sa usa ka bata nga anaa sa swing

Ang Pasko magdala og espesyal nga kalipay ug katalagsaon. Walay panghitabo sa kasaysayan sa kalibotan nga adunay mas dakong epekto kaysa pagkatawo ug misyon ni Jesukristo. Atong gisaulog ang Iyang pagkatawo sa daghang lainlaing paagi sa tibuok kalibotan. Apan kitang tanan maingon nga dunay tradisyon sa Pasko nga komon sa tanan—ang paghatag og mga gasa.

Mosugyot ko og tulo ka gasa nga mahatag sa matag usa nato niining panahon sa Pasko ug sa tibuok natong kinabuhi. Dapiton ko kamo sa:

Pagpaambit sa inyong pagpamatuod. Samtang inyong ipakigbahin kining bililhon nga gasa, ang inyong kaugalingong pagpamatuod molig-on.
Pagpasaylo sa tawo nga nakapasakit ninyo. Sa paghatag niini nga gasa, kamo usab mobati og kalinaw ug pagkaayo.
Pagtabang sa uban nga bation ang gugma sa Dios pinaagi ninyo. Samtang kamo motan-aw sa uban sama sa pagtan-aw sa Dios kanila, ang inyong gugma alang nila molambo. Mabati usab ninyo ang gugma sa Dios sa inyong kinabuhi.

Dili gayod ninyo makaplagan kini nga mga gasa sa bisan unsa nga tindahan. Mga gasa kini nga walay kantidad. Maghatag kini og malungtaron ug tinuod nga kalipay ngadto sa tigdawat ug tighatag.

Mga Gasa nga Akong Ikahatag ni Jesus

Ang Maalamon nga mga Tawo mihatag og mga regalo ngadto ni Jesus, ug kamo usab makahimo niini! Diha sa tag sa mga gasa, isulat ang mga butang nga inyong mahatag Kaniya karong Pasko. Dayon kolori ang litrato.

Pahina nga naa sa PDF nga adunay kalihokan sa pagkolor sa mga gasa sa Pasko