7 ka Ideya alang sa Makalingaw nga Pasko sa Pamilya

1. Mga Regalo alang ni Jesus

Si Jesukristo midapit nato nga ipakita ang atong kahayag—Siya! (Tan-awa sa 3 Nephi 18:24.) Makahimo kita niana pinaagi sa pagserbisyo, paghigugma, ug paglihok sa paagi nga Iyang gihimo. Paghunahuna og usa ka paagi nga makatabang ka sa uban nga makasinati sa Iyang kahayag. (Tan-awa sa pahina 20 alang sa mga ideya!) Isulat o idrowing ang imong ideya ug ibutang kini sa dapit diin makita nimo kini, sama diha sa imong Christmas tree. Igahin ang mga adlaw sa dili pa ang Pasko sa pagpahayag sa kalibotan sama sa gihimo ni Jesus!

2. Mga Suga sa Bintana

Sa Ireland, ang ubang mga pamilya magbutang og mga kandila sa ilang mga bintana aron sa pagsimbolo sa pagdawat ni Maria, ni Jose, ug sa batang si Jesus ngadto sa ilang panimalay. Pagbutang og suga sa imong bintana o bisan asa nga dapit sa imong balay aron sa pagdawat ni Jesukristo ug ni bisan kinsa nga mobisita nimo.

3. Pasongan sa Serbisyo

Paghimo o pangita og usa ka kahon nga magrepresentar sa pasongan nga katulgan sa batang si Jesus. Matag higayon nga makaserbisyo ka sa usa ka tawo (o makakita og usa katawo nga nagserbisyo), pagbutang og usa ka piraso nga lambo, papel, o uhot [straw] diha sa pasongan aron humok kini alang Kaniya. Alang sa dugang nga kalingawan, himoa ang imong serbisyo sa sekretong paagi!

4. Motan-aw sa mga Bituon

Sa Poland, ang ubang mga pamilya maghulat sa unang bituon nga mogawas sa dili pa manihapon sa Bisperas sa Pasko. Pangita og tin-aw nga gabii aron motan-aw sa langit ug hinumdoman ang bituon nga mipakita sa dihang natawo si Jesukristo. O kon ikaw walay makita nga mga bituon, pagdrowing og pipila sa imong kaugalingon ug ibitay kini!

5. Ginama nga mga Kard

Magsulat, magdekorasyon, ug magpadala og usa ka mubong sulat ngadto sa usa ka tawo nga nagkinahanglan og gamayng dugang nga gugma niini nga Pasko. (Sugyot: Kasagaran gayod ang tanan nagkinahanglan og pipila ka dugang nga gugma! Ang mga posibilidad walay kinutoban.)

6. Deck(orate) the Halls

Gamita ang mga butang sa palibot sa imong balay sa paghimo og mga dekorasyon sa Pasko. Pwede ka nga maghimo og papel nga mga snowflake (ang ubang mga lugar adunay niyebe panahon sa Pasko), gipintalan nga mga bato, kadena nga ginama sa mga papel, mga gituhog nga popcorn—bisan unsa! Susiha ang istorya ni Spencer sa pahina 4 ug ang istorya ni Sadie sa pahina 36 aron makita kon unsa nga mga dekorasyon ang ilang gihimo.

7. Pagbinayloay sa Tradisyon sa Kalibotan

Uban sa imong pamilya, pangita og mga tradisyon sa Pasko sa online gikan sa laing nasod. Sulayi ang pipila! Basin masorprisa ka niini.