“Pagpasiga sa Among Kahayag,” Higala, Disyembre 2025, 13.
Imong Sinulat
Pagpasiga sa Among Kahayag
Sa gabii sa panimalay nakat-onan namo kon unsaon namo nga makagamit sa among mga talento aron mapanalanginan ang uban ug matabangan sila nga mobati sa gugma sa Dios. Nagbasa mi mahitungod ni Jesus nga nagtudlo sa mga tawo nga angay silang mopakigbahin sa ilang kahayag imbis nga tagoan kini. Dayon naghisgot mi mahitungod sa mga paagi nga among mapakigbahin ang among kahayag pinaagi sa among mga talento.
Misugyot ang among mama nga motukar mi sa among mga instrumento alang sa mga tawo didto sa puluy-anan sa mga retirado nga duol sa among balay. Sa sinugdanan, naghinam-hinam kami nga motukar. Apan sa dihang miabot mi sa puluy-anan sa mga retirado, gikulbaan mi. Mas labaw ming nahadlok sa dihang misulod mi sa lawak diin kami mopasundayag.
Apan sa dihang nagsugod mi og tukar, mibati mi og kakalma. Ang mga tawo mitindak sa ilang tiil ug midungan og kanta sa among mga kanta. Nalingaw mi sa pagtukar, ug gibati namo ang kalipay sa pagkakita sa mga pahiyom sa ilang mga panagway.
Sukad niadto, nakatukar mi sa ubang mga puluy-anan sa mga retirado, ug gusto ming magpadayon sa pagbuhat niini. Ang pagkat-on sa pagtukar og instrumento sa musika nagkinahanglan og daghang oras ug kakugi, apan nahibalo mi nga ang Langitnong Amahan mapasigarbohon namo sa pagpalambo sa among mga talento ug pagpakigbahin niini sa uban.
Paghulagway pinaagi ni Tania Rex