Ang Istorya sa Pasko

Sa dugay nang panahon, ang usa ka anghel misulti ngadto sa batan-ong babaye nga ginganlan og Maria nga siya makabaton og anak. Siya mao si Jesukristo, ang Manluluwas sa kalibotan.

Si Maria ug ang iyang bana, si Jose, miadto sa Betlehem. Panahon kadto nga ipakatawo ang anak ni Maria!

Usa ka bag-ong bituon nga mikidlap sa langit. Ang mga anghel sa langit nanag-awit.

Ang mga magbalantay sa karnero nagdali sa pagtan-aw sa bata nga si Jesus.

Didto sa mga Amerika, ang katawhan naghulat sa usa ka timailhan nga si Jesus natawo. Usa ka gabii, wala kini mongitngit sa dihang ang adlaw misalop! Hayag ang langit hangtod nga ang adlaw misubang og balik pagkasunod adlaw.

Ang katawhan nalipay sa hilabihan! Sila nasayod nga si Jesus natawo na.