Vaʻinga Fakatahá

Fai ʻe Jane McBride

Ko ha talanoa moʻoni mei he USA.

Naʻe taʻelata ʻa Tieko. Naʻe toki hiki mai hono fāmilí ki ha feituʻu foʻou. Naʻá ne ʻofa ki hono ngaahi kaungāmeʻa mei hono ʻapi motuʻá.

Ko ha kiʻi tamasiʻi ʻoku mata mamahi ʻi heʻene vaʻinga mo hono kiʻi tuofefine siʻisiʻí

Naʻe vaʻinga ʻa Tieko mo hono kiʻi tuofefine ko Kalá ʻi he taimí ni. Ka naʻá ne fiemaʻu foki ha kaungāmeʻa foʻou.

Ko ha tangata mo ha fefine ʻokú na fakafeʻiloaki hona ongo fohá

Naʻe ʻikai fuoloa kuo hiki mai ha fāmili ki he kaungāʻapí. Naʻe ʻi ai haʻanau kiʻi tamasiʻi, ʻo hangē pē ko iá! Ko hono hingoá ko Samu.

Naʻe vaʻinga fakataha ʻa Tieko mo Samu ʻi he ʻaho kotoa pē.

Tamasiʻi ʻoku vaʻinga mo ha ngaahi lēlue meʻavaʻinga; ko ha kiʻi tamasiʻi ʻokú ne fakafiemālieʻi hono kiʻi tuofefine siʻisiʻi ʻoku tangí

Lolotonga ʻena vaʻinga ʻi ha ʻaho ʻe taha, naʻe fakatokangaʻi ʻe Tieko naʻe loto-mamahi ʻa Kala. Mahalo pē naʻá ne taʻelata pē mo ia.

Kiʻi tamasiʻi fofonga malimali mo ha kiʻi taʻahine fiefia ʻoku mafao atu hono ongo nimá

“ʻOkú ke fie vaʻinga mo kimaua?” Ko e fehuʻi ange ia ʻa Tiekó.

Naʻe malimali fiefia ʻa Kala. “Vaʻinga!”

Ko ha ongo tamaiki tangata mo ha kiʻi taʻahine ʻoku nau vaʻinga fakataha ʻaki ha lēlue meʻavaʻinga

Naʻe vaʻinga lēlue fakataha ʻa Tieko, Samu mo Kala. Naʻa nau teke ki muʻa mo mui ʻa e ngaahi lēlue meʻavaʻingá. “Choo-choo!” Naʻe malimali ʻa Tieko. Naʻá ne fiefia, pea pehē foki mo Kala!