“Ngaahi ʻEkitivitī ʻo e Konifelenisí,” Ko e Kaumeʻá, Sepitema 2025, 6–7.
Ngaahi ʻEkitivitī ʻo e Konifelenisí
Koeʻuhí ko e tekinolosia fakasatelaité, ʻe lava ke fanongo ʻa e kakaí ki he konifelenisí ʻi he funga ʻo e māmaní. Fakahoko ʻa e ngaahi ʻekitivitī ko ʻení lolotonga hoʻo fakafanongó!
Valivali fakatatau mo e Fakaʻilongá
ʻI he taimi ʻoku kamata lea ai ha tokotaha lea foʻou, fili ha fakaʻilonga mei he lisi ʻi laló. Fakaʻaongaʻi leva ʻa e lanu ko iá ke fakafonu ʻa e ngaahi fuó lolotonga hoʻo fakafanongó.
Hala Fihifihi ke Fakafanongó
Muimuiʻi ʻa e hala fihifihi ko ʻení ʻaki ho tuhú ke tokoni atu ke ke fakafanongo fakalongolongo ki he konifelenisi lahí. Fakaʻaongaʻi leva ha laʻipepa kehe ke feinga ke tā haʻo hala fihifihi pē ʻaʻau!
Ngaahi Fehuʻi ʻi he Konifelenisí
Lau ʻa e talanoa ʻo Loú ʻi he peesi 4. Ko e hā ha ngaahi fehuʻi ‘okú ke maʻu fekauʻaki mo e ongoongoleleí? Hiki kinautolu ʻi he ngaahi puha ʻi laló ke ke manatuʻi lolotonga hoʻo fanongo ki he konifelenisí. Fakapapauʻi ʻokú ke lotu foki ke maʻu ha ngaahi tali.
Ngaahi Fakakaukau Lahi Angé
-
Paaki pe kosi ʻo toʻo ha ngaahi fakatātā mei he Liahoná ʻo e Kau Palesitenisī ʻUluakí, Kau ʻAposetoló, mo e kau taki kehé. ʻI he taimi ʻoku tuʻu ai ha tokotaha lea foʻou ke fai ʻenau leá, kumi honau fakatātaá.
-
Fili fakafāmili ha foʻi lea ke fakafanongo ki ai (hangē ko e ʻofá pe temipalé). Hiki ‘a e foʻi leá ʻi ha laʻipepa. Ko e taimi pē ʻokú ke fanongo ai ki he foʻi leá lolotonga ʻa e konifelenisí, tā ha foʻi fetuʻu pe fakapipiki ha sitika ʻi he pēsí.
-
Kamataʻi ha tukufakaholo fakafāmili ʻi he konifelenisí! Ngaohi ha kiʻi fakaneifua makehe pe fai ha meʻa kehe ke makehe ange ai ʻa e fakaʻosinga ʻo e uiké.
ʻŪ tā fakatātā ʻa Samantha Windley