“Mālō e Lelei mei Pueto Liko!” Ko e Kaumeʻá, Sepitema 2025, 8–9.

Mālō e Lelei mei Pueto Liko!

Ko Pueto Likó ko ha ʻotu motu ia ʻi he Kalipiané. ʻOku nofo ai ha kakai ʻe toko 3 miliona tupu.

Temipale mo e Kolo Fakaʻofoʻofá

Ko e kolomuʻa ʻo Pueto Likó ko Seni Huani. ʻOku ʻi ai hanau temipale ai! ʻOku laka hake ʻi he taʻu ʻe 500 ʻa e koló pea lahi mo e ngaahi matātahi fakaʻofoʻofa ʻi aí.

Hala Fakamalú

Ko e Kaie tei la Fotalesá ko ha hala ia ʻoku faʻa tautau ai ʻa e ngaahi teuteu ʻi he vahaʻa ʻo e ngaahi falé. Kuo teuteuʻi ʻa e halá ʻaki ha ngaahi fakamalu, lofa, mo ha ngaahi fuka lanu kehekehe.

Vai Uló

ʻOku ʻi ai ha matāfanga vai paiolumineseni (bioluminescent) ʻe tolu ʻi Pueto Liko. ʻOku hanga ʻe he fanga kiʻi meʻa iiki ʻi he vaí ʻo ʻai ke ulo ʻa e vaí ʻi he taimi ʻoku ngaʻunu aí! Te ke lava ʻo sio lelei taha ki ai ʻi he poʻulí.

Fanga Manupuna Lanu Kehekehé

ʻOku maʻu pē ʻa e manupuna (hummingbird) ʻemalata Pueto Likó mo e kōkī Pueto Likó ʻi Pueto Liko.

Mūsiká mo e Hulohulá

Ko e pomipaá (bomba) ko ha faʻahinga hiva mo e hulohula ia ʻa Pueto Liko. ʻOku kau ai ha ngaahi nafa, hiva, mo e hulohula ke tala ha ngaahi talanoa fekauʻaki mo e kakai ʻo Pueto Likó.