“Ko ʻEku Fakamoʻoni Fakamūsiká,” Ko e Kaumeʻá, Sepitema 2025, 19.
Tohi ʻe Koe
Ko ʻEku Fakamoʻoni Fakamūsiká
ʻI hoku fonuá, ko e tokolahi taha ʻo e kakaí ʻoku nau Katolika. ʻOku ou ako ʻi ha ʻapiako Katolika.
ʻI heʻeku kei kalasi uá, naʻe tā fasi ʻeku faiakó lolotonga ʻemau ngāue ki heʻemau ngaahi ʻekitivitī ʻi he ʻaho ko iá. ʻI ha hoʻatā ʻe taha, naʻá ne ʻeke mai pe ʻoku ʻi ai ha taha te ne fie fili haʻane foʻi hiva ke fanongo ki ai. Naʻá ku taʻu valu ʻi he taʻu ko iá pea naʻá ku teuteu ki hoku papitaisó. Naʻe haʻu ki heʻeku fakakaukaú ʻa e fakalea “ʻOku ou vakai ki ha ʻūmata.” Naʻá ku kole ki heʻeku faiakó ke ne tā ʻa e foʻi hiva ko e “ʻI Heʻeku Papitaisó” mei he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻe loto-lelei ki ai ʻeku faiakó peá ne kumi hake ia.
Naʻe ʻikai fuoloa kuo tā ʻa e foʻi hivá maʻá e tokotaha kotoa ʻi hoku loki akó ke nau fanongo ki ai. ʻI he kamatá naʻe ʻi ai ha niʻihi ʻo hoku kaungāakó naʻa nau sio ngalikehe mai kiate au, kae kimui angé naʻá ku lava ʻo ongoʻi ʻa e Laumālie Māʻoniʻoní ʻi hoku lotó. Naʻá ne fakafonu au ʻaki ʻa e nonga.
ʻI heʻeku mavahe mei he akó ʻi he ʻaho ko iá, naʻá ku ongoʻi fiefia ʻaupito ʻi heʻeku vahevahe ʻa e ongoongoleleí mo hoku kaungāakó ʻi he hiva Palaimeli ʻoku ou saiʻia taha aí. ʻOku ou tui ko ha founga lelei ia ke teuteuʻi ai au ke fakaafeʻi hoku ngaahi kaungāmeʻá ki hoku papitaisó.
Tā fakatātaaʻi ʻe Simini Blocker