Foʻi Mā ʻe Nima mo e Mataʻi Ika ʻe Uá

Ko e taha ʻo e ngaahi talanoa ʻoku ou manako taha aí ʻoku ʻi he Fuakava Foʻoú. Naʻe laka hake ʻi he kakai ʻe toko nimaafé naʻa nau fakafanongo ki he faiako ʻa e Fakamoʻuí ʻi he ʻahó kakato. Naʻe kamata ke nau fiekaia.

Naʻe pehē ʻe ha taha ʻo e kau ākongá, “ʻOku ʻi heni ʻa e tama, ʻokú ne maʻu ʻa e foʻi mā paʻale ʻe nima, mo e ika siʻi ʻe ua: ka ko e hā ia ʻi he fuʻu tokolahí?” (Sione 6:9).

Naʻe kole ange ʻe Sīsū ke nau ʻomi ʻa e meʻakaí kiate Ia, pea naʻá Ne lotu. Pea naʻe hoko leva ha mana. Naʻe ʻi ai ha meʻakai feʻunga ke fafanga ʻaki ʻa e tokotaha kotoa. Pea naʻe toe mei ai ha kato mā ʻe 12!

ʻOku ou loto ke mou manatuʻi ʻa e tokotaha naʻá ne ʻomi ʻa e foʻi maá mo e iká. Ko ha kiʻi tamasiʻi kei siʻi! Naʻá ne foaki ʻa e meʻa kotoa pē naʻá ne maʻú ki he Fakamoʻuí.

ʻOku fuʻu mahuʻinga ʻaupito ʻa e fānaú ki he Tamai Hēvaní. ʻI hoʻo muimui kia Sīsū Kalaisi ʻaki hoʻo tokoni ki he niʻihi kehé, te Ne tāpuakiʻi koe.