Soosi Piini Siisi Faingofuá

• kapa ʻe 1 (16 oz/450 g) piini naʻe toe fakapaku (refried)

• ʻāvoka ʻe 2

• ipu ʻe 1/4 (65 g) salasā (salsa)

• ipu ʻe 1 (225 g) kilimi mahi (sour cream)

• ipu ʻe 2 (240 g) siisi kuo ʻosi tama

• ngaahi meʻa ke fili ke ʻai ʻi ʻolungá: temata kuo ʻosi hifi, onioni lanu mata, pe ʻolive ʻuliʻuli

• tōtila (chips)

Kapau ʻoku ʻikai ke ke maʻu ha niʻihi ʻo e ngaahi meʻa ko ʻení, te ke lava ʻo fakaʻaongaʻi ha ngaahi meʻa mei he feituʻu ʻokú ke nofo aí! Kapau ʻoku ʻikai ke ke maʻu ha piini naʻe toe fakapaku, te ke lava ʻo oʻi ʻa e piini ʻuliʻulí ʻaki ha māsima kāliki.

1. Faʻoaki ʻa e piini naʻe toe fakapakú ke matolu tatau ʻi ha kapa tapafā ʻinisi ʻe 8 (senitimita ʻe 20) pe ha meʻa tatau mo iá.

2. ʻI ha poulu lotoloto, oʻi ʻa e ʻāvoká mo e vaeua ʻo e salasaá. ʻAi leva ia ʻi ʻolunga ʻi he pīní.

3. Tuifio fakataha ʻa e sour cream mo e toenga ʻo e salasaá. ʻAi ia ʻi ʻolunga ʻi he ʻāvoká.

4. Laku ʻa e sīsí ʻi ʻolunga pea tānaki atu ha meʻa kuó ke fili ke ʻai ʻi ʻolunga.

5. Tufa ʻaki ʻa e tōtila chips pea fiefia ʻi hono maʻu ia!