Talitali Lelei Kimoutolu, Ngaahi Kaungāmeʻa!

ʻOku fai ʻa e konifelenisi lahí ʻi he māhina kahaʻú! ʻOku ʻuhinga ia te tau fanongo ki he ngaahi pōpoaki mei hotau palōfitá mo e kau taki kehé. Te nau akoʻi mai ʻa e meʻa ʻoku finangalo ʻa e ʻOtuá ke tau akó. Te tau lava ʻo ongoʻi ʻa e folofola mai ʻa e Laumālie Māʻoniʻoní kiate kitautolu lolotonga ʻetau fakafanongó. Lau ʻa e talanoa ʻi he peesi 4 ke ʻiloʻi ʻa e tali naʻe maʻu ʻe Lou lolotonga ʻene fanongo ki he konifelenisí.

ʻOku ʻi ai nai ha ngaahi tukufakaholo hoʻo fāmilí ʻi he konifelenisi lahí? Mahalo te ke lava ʻo fokotuʻu ha tēniti ke fanongo ʻi ai, hangē ko ia ʻoku fai ʻe Mākou mo Paoló (vakai, peesi 33). Te ke lava foki ʻo fakaʻaongaʻi ʻa e ngaahi ʻekitivitī ʻi he peesi 6–7 mo e ʻinitanetí lolotonga hoʻo fanongó.

Fakafanongo fiefia!

ʻOfa atu,

Ko e Kaumeʻá