Mau ’ā’amu o te pāpa’ira’a mo’a

’Ua tāvini te mau ’āpōsetolo i te hō’ē misiōni i Peretāne

Iosepha Semita e hi’o mana’o ra i te mau ’āpōsetolo tē poro ra i Peretāne. E mea fifi nō te mau ’āpōsetolo ’ia fa’aru’e i tō rātou ’utuāfare, ’ua fafau rā te Fatu e ha’amaita’i ia rātou.

Te ’utuāfare Kimball tei ma’ihia, i roto i te ro’i

E ’utuāfare tamari’i ’āpī tō Heber C. Kimball ’e tāna vahine ’o Vilate. E rave rahi o rātou tei ma’i-roa-hia.

Brigham Young e ’āpā ra i tōna ’utuāfare hou ’a reva ai

’Ua ma’i-ato’a-hia Brigham Young, ’e e mea veve tōna ’utuāfare. ’Ua parau rā te vahine a Brigham, ’o Mary Ann, iāna : « ’A haere e rave i tā ’oe misiōni, ’e e ha’amaita’i te Fatu ia ’oe. »

Heber ’e Brigham i ni’a i muri i te hō’ē pere’o’o pua’ahorofenua

’Ua maita’i ri’i mai Heber ’e ’o Brigham, e mea paruparu roa rā rāua. ’Ua hina’aro rāua e poro i te ’evanelia, nō reira ’ua ’āpā rāua i tō rāua ’utuāfare ’e ’ua pa’uma i muri i te hō’ē pere’o’o pua’ahorofenua nō te ha’amata i tō rāua tere.

Heber ’e Brigham e poro ra i te ’evanelia i te mau ta’ata i Peretāne

I muri a’e i te hō’ē tere roa nā ni’a i te moana, ’ua tāpae mai Heber ’e Brigham i Peretāne. Rātou te tahi atu mau ’āpōsetolo, ’ua ha’api’i rātou e rave rahi ta’ata i te ’evanelia. E rave rahi tauatini ta’ata tei bāpetizohia i roto i te ’Ēkālesia a Iesu Mesia. E rave rahi o rātou tei fano atu nā ni’a i te moana nō te ’āmui i te feiā mo’a i te Fenua Marite.

Nā ’utuāfare o Heber ’e Brigham e fa’ari’i ra ia rāua i ni’a i te uahu

’Ua tāpe’a te Fatu i tāna parau ’ia aupuru i nā ’utuāfare o Heber ’e o Brigham ’a tāvini ai rāua iāna ’ei misiōnare.