Nā te Peresidenira’a Mātāmua

Te hi’ora’a maita’i o tō’u tupuna vahine

Nā te peresideni Henry B. Eyring

Tauturu piti i roto i te Peresidenira’a Mātāmua

Fa’aauhia nā roto mai « E mea ’ōhie roa te ha’api’ira’a tumu a Iesu Mesia », Liahona, Novema 2024, 96–99.

Vahine e pāpa’i ra i te ’ahu, hā’atihia e te feiā pa’ari ’e te mau tamari’i e fa’aro’o ra iāna

’Ua itoito noa tō’u tupuna vahine ’o Mary Bommeli i te fa’a’ite i te ’evanelia a Iesu Mesia. ’Ua ha’api’ihia tōna ’utuāfare e te mau misiōnare i te fenua Helevetia, i te 24ra’a o tōna matahiti.

I muri a’e i tōna bāpetizora’a, ’ua fa’anu’u atu Mary i Heremani. ’Ua ’ite mai ’oia ē, e’ita e ti’a iāna ’ia ’ore e fa’a’ite i te mea tāna i ha’api’i mai. ’Ua ha’aputuputu mai te mau ta’ata ’ati a’e iāna, nō te fa’aro’o iāna ’ia ha’api’ira’a ’a pāpa’i noa ai ’oia i te ’ahu.

’Ua paraparau Mary nō te Buka a Moromona ’e te fāra’a mai te Metua i te ao ra ’e ’o Iesu Mesia ia Iosepha Semita. ’Ua ha’api’i ’oia nō ni’a i te ti’afa’ahoura’a. ’Ua fa’a’ite pāpū ’oia ē, e nehenehe te mau ’utuāfare e ’āmuihia e a muri noa atu.

Te ha’api’ira’a i te mau tamari’i a te Metua i te ao ra nō ni’a ia Iesu Mesia e ’ohipa mo’a ïa. ’A ha’api’i ai tātou i teie mau parau tumu i te feiā tā tātou i here, e tauturu mai te Vārua Maita’i ia tātou ’ia ’ite i te parau mau.

Pāpa’i hōho’a i te hō’ē ’ā’amu ’utuāfare

’Ua fa’auruhia te peresideni Eyring e tōna tupuna vahine. ’O vai i roto i tō ’outou ’utuāfare tei fa’auru ia ’outou ’ia mā’iti i te maita’i ? ’A fa’a’ohipa i te mau ’apa i raro nei nō te pāpa’i hōho’a i te hō’ē ’ā’amu ’utuāfare.