E mea mau ānei Iesu ?

Nā Brynn J., 7 matahiti, Georgia, Marite

E tamāhine e pārahi ra i te hō’ē ’aira’amā’a ’e tōna māmā, te taea’e ’e te tuahine

I te hō’ē mahana, ’ua ’āmui atu vau i tō’u mau taea’e ’e mau tuahine i te ’aira’amā’a, nō tā mātou tai’ora’a ’utuāfare i te pāpa’ira’a mo’a. ’Ua ha’amata tō’u māmā i tā mātou ha’api’ira’a Mai, pe’e mai, ’aita rā vau i tāu’a maita’i roa i te reira. Tē feruri nei au i te tahi atu mea : E mea mau ānei Iesu ?

I roto i te ’ēkālesia ’e i te Paraimere, ’ua ha’api’i mai mātou ē e mea mau ’oia, ’aita rā vau i ’ite ’o vau iho. ’Ua feruri au ’e ’ua feruri, ’aita rā vau i ’ite mai i te pāhonora’a.

I muri a’e i te tai’ora’a i te pāpa’ira’a mo’a, ’ua ui atu vau i tō’u māmā, « e mea mau ānei Iesu ? »

« E uira’a maita’i », ’ua parau ’oia. « ’Ahani nā ’oe e pure nō te reira ? »

« Nā reira », ’ua parau atu vau.

I taua pō ra, ’ua pure au ’e ’ua ui atu, « e te Metua i te ao ra, e mea mau ānei tā ’oe Tamaiti ? » I reira tō’u fa’ari’ira’a i te hō’ē mana’o māhanahana mau i roto iā’u. ’Ua ’ite a’era vau ’ua pāhono mai te Atua i tā’u pure. I muri mai i te reira, ’ua pure atu vau nō te ha’amāuruuru i te Metua i te ao ra nō te pāhonora’a mai iā’u. ’Ua ’ite au tē fa’aro’o nei ’oia i tā’u mau pure ’e e fa’aro’o ato’a ’oia i tā ’outou.