’Ia ora na nā Tāiuane atu !

Tāiuane ’o te hō’ē ïa motu fātata ia Hong Kong. Hau atu i te 23 mirioni ta’ata e ora ra i reira. Te mau reo e paraparau-rahi-hia ’o te reo Tinitō, te Hokkien ’e te Hakka.

E taime tā’oto’otora’a !

I Tāiuane e mea mātarohia i roto i te mau fare ha’api’ira’a ’e i roto i te mau piha tōro’a, ’ia rave i te taime nō te tā’oto’otora’a i muri a’e i te tāmā’ara’a o te avatea.

E tiare ta’a ’ē

’Ua riro te tiare o te tumu parāmu ’ei taipe mana nō Tāiuane i te matahiti 1964. ’Ua mā’iti rātou i te reira nō te mea e ’ūa’a ato’a te reira i te pu’e tau to’eto’e.

’Ōperera’a vitiviti

Te Taipei 101 ’o te fare teitei roa a’e ïa i Tāiuane. Tē vai ra tōna hō’ē piha utara’a ta’ata vitiviti roa a’e, e rave te reira e 37 tetoni nō te haere nā te tahua 5 e tae atu i te tahua 89.

E rave rahi mou’a

Hau atu i te ’āfara’a nō Tāiuane tei ’atihia i te mau mou’a. Tē vai ato’a e rave rahi mau mou’a auahi, ’aita rā te reira i pa’a’ina e rave rahi hānere matahiti i teienei.

Anuanua nehenehe

Te anuanua tei vai maoro roa a’e nā te ao nei, ’ua tupu ïa i Tāiuane. ’Ua nehenehe i te mau ta’ata ’ia ’ite i te reira fātata e iva hora te maoro !

Fa’ahanahanara’a i te mau lāmepa o te ra’i

’Ua riro te heivanui nō te mau lāmepa nō Tāiuane ’ei tāpa’o nō te tīa’ira’a, te ’oa’oa ’e te tāhō’ēra’a. I roto i teie heivanui rahi, e hāmani te mau ta’ata i te mau lāmepa ’e e ha’ape’e atu i te reira i te ra’i.