Tō tātou ao nehenehe

’Ua ’āfa’i māua tā’u vahine i te tahi o tā māua mau mo’otua i te hō’ē ’āua ’ōna mau i Farāni. ’Ua māta’ita’i mātou i te mau ’ātupunihi nehenehe o te tiare, te mau ririnēfea ’e te mau roto pape.

’Ua fatuhia nā te ’āua nā mua a’enei e te hō’ē ta’ata ’o Claude Monet te i’oa. E ta’ata pēni hōho’a rahi ’oia. ’Ua ha’a māite ’oia i roto i tāna ’āua e 40 matahiti te maoro. ’Ua hāmani ’oia e rave rahi hānere hōho’a pēni fa’auruhia nō tāna ’āua.

E nehenehe te mau ’una’una o te nātura e tauturu ia tātou, ’ia māuruuru rahi i tō tātou Metua i te ao ra ’e i tāna Tamaiti, ’o Iesu Mesia. ’Ua poiete rāua i teie fenua nehenehe ma te mau mou’a, te mau ’ānāpape, te mau rā’au tanu ’e te mau ’ānimara.

Tē fa’a’ite nei teie mau poietera’a fa’ahiahia i te here rahi o te Atua ia tātou. Teie rā, e ’āpe’e ato’a mai te reira i te mau hōpoi’a ’e te mau tītaura’a. E parauhia te reira te ti’a’aura’a. E ti’a ia tātou ’ia ’atu’atu i te mau mea tā te Atua i poiete nō tātou.

Tē ani ato’a nei tō tātou Metua i te ao ra ia tātou ’ia ’āmui mai i roto i tāna ’ohipa poietera’a. E nehenehe tātou e hāmani i te anoihi, te pehe ’e te tahi atu mau mea, nō te fa’a’oa’oa i tō tātou orara’a ’e nō te ha’amaita’i ia vetahi ’ē.

Tē fafau nei te Atua i te mau ha’amaita’ira’a rahi, ’ia here ’e ’ia ’atu’atu ana’e tātou i te fenua ’e i te tahi ’e te tahi. ’A nā reira ai ’outou, e putapū rahi atu ā ’outou i tōna here i roto i tō ’outou orara’a.

Anoihi nō te pāpie pāhae

’Ua ha’api’i te ’Episekōpo Caussé ē, e nehenehe ato’a tātou e riro ’ei mau ta’ata poiete ! Teie te hō’ē ’ohipa rima ’ī ’o tā ’outou i hāmani, nō te fa’aha’amana’o ia ’outou i te mau poietera’a nehenehe a te Metua i te ao ra.

1. ’A ’ite mai i te hō’ē hōho’a nō te hō’ē mea i roto i te nātura ’o tē fa’auru ia ’outou.

2. I ni’a i te hō’ē ’api parau, ’a fa’a’ohipa i te hō’ē pēnitara nō te pāpa’i hōho’a i te mau tuha’a rau o te hōho’a.

3. ’A pāhae i te ’api parau fa’a’ūhia nō te fa’a’ohipa i roto i tā ’outou hōho’a.

4. ’A tāpiri i te mau ’api parau ’ū i roto mai i tā ’outou ’atira’a.

Pia i te PDF

Fa’ahōho’ara’a nā Maddie Baker