Tā’u mau parau o te ’evanelia

’A mā’imi mai i teie mau ta’o ’e mau pereota i roto i teie ve’a o te Hoa !

Ti’a’aura’a

Mau rima e tāpe’a ra i te fenua ma te hō’ē māfatu i ni’a iho

Hō’ē ti’a’aura’a ’o te hō’ē ïa hōpoi’a nō te ’atu’atu maita’i i te hō’ē mea faufa’a roa. ’Ua hōro’a mai te Metua i te ao ra ia tātou i te ti’a’aura’a i te fenua. Te aura’a o te reira tē ani mai nei ’oia ia tātou ’ia ’atu’atu ’e ’ia pāruru i tōna ao nehenehe.

Tātarahapa

Te tātarahapa ’o te huru ïa ’ia fāriu atu tātou i ni’a ia Iesu Mesia, ’ia rave ana’e tātou i te hō’ē mā’itira’a hape. Nō te tātarahapa, tītauhia ia tātou ’ia ’oto nō te mea tā tātou i rave, ’ia ani i te tauturu ’e te fa’a’orera’a hara a te Metua i te ao ra, ’e ’ia tāmata i te tātā’i i te fifi. Maoti te Tāra’ehara a te Fa’aora, e nehenehe tātou e fāriu ’ē i te mau mā’itira’a ’ino ’e e rave i te mau mā’itira’a maita’i.

Bāsileia tiretiera

Te bāsileia tiretiera ’o te vāhi ïa i reira te Metua i te ao ra ’e ’o Iesu Mesia e ora ai. Ma te mā’itira’a i te pe’e ia Iesu Mesia, e nehenehe tātou e ora i reira i te hō’ē mahana ’e tō tātou ’utuāfare ē a muri noa atu.

Ti’afa’ahoura’a

Hō’ē tamaiti e ti’a ra i pīha’i iho i te hō’ē hōho’a o tōna tino

Te ti’afa’ahoura’a ’o te taime ïa e ho’i ’āmui ai tō ’outou vārua ’e tō ’outou tino i muri a’e i tō ’outou pohera’a. ’Ia ti’afa’ahou ana’e ’outou, e tino maita’i roa tō ’outou, ’e e’ita roa ’outou e ma’ihia ’aore rā e pohe. Maoti te Tāra’ehara a Iesu Mesia, e ti’afa’ahou mai te mau ta’ata ato’a.