Ang Apostoles Miserbisyo og Misyon ngadto sa Great Britain

Ang Ginoo misulti ni Joseph Smith sa pagpadala sa pipila sa Apostoles sa usa ka misyon ngadto sa Great Britain. Lisod alang sa Apostoles nga mobiya sa ilang mga pamilya, apan ang Ginoo misaad nga panalanginan sila.

Si Heber C. Kimball ug ang iyang asawa, si Vilate, adunay bag-o pa nga pamilya. Daghan nila ang adunay grabe nga sakit.

Nagkasakit usab si Brigham Young, ug ang iyang pamilya kabos kaayo. Apan ang asawa ni Brigham, si Mary Ann, miingon kaniya, “Lakaw, ug tumana ang imong misyon, ug ang Ginoo mopanalangin nimo.”

Si Heber ug Brigham medyo naulian na, apan luya pa kaayo sila. Gusto nila nga mosangyaw sa ebanghelyo, mao nga nanamilit sila sa ilang mga pamilya ug mikatkat sa likod sa karomata aron magsugod sa ilang panaw.

Human sa taas nga biyahe tabok sa kadagatan, si Heber ug Brigham miabot sa Great Britain. Kuyog ang uban nga Apostoles, nagtudlo sila sa daghang tawo sa ebanghelyo. Liboan ka tawo ang nabunyagan ngadto sa Simbahan ni Jesukristo. Daghan nila ang milayag tabok sa kadagatan aron motipon sa mga Santos sa Estados Unidos.

Ang Ginoo mituman sa Iyang saad nga atimanon ang mga pamilya ni Heber ug Brigham samtang sila nagserbisyo Kaniya isip mga misyonaryo.