Tinuod ba si Jesus?

Ni Brynn J., edad 7, Georgia, USA

Usa ka batang babaye nga naglingkod sa lamesa kauban ang iyang mama, igsoong lalaki, ug igsoong babaye

Usa ka adlaw miapil ko sa akong mga igsoon diha sa lamesa aron maghimo sa among pamilya nga pagtuon sa kasulatan. Ang akong mama nagsugod sa among Dali, Sunod Kanako nga leksiyon, apan wala gayod ako nagpakabana. Naghunahuna ko mahitungod sa lain nga butang: Tinuod ba gayod si Jesus?

Sa simbahan ug sa Primary among nakat-onan nga Siya tinuod, apan wala ko makahibalo sa akong kaugalingon. Naghunahuna ko og maayo, apan dili gayod nako makaplagan ang tubag.

Human sa pagtuon sa kasulatan, nangutana ko sa akong mama, “Tinuod ba si Jesus?”

“Maayo nga pangutana,” miingon siya. “Unsa kaha kon mag-ampo ka mahitungod niini?”

“OK,” miingon ko.

Nianang gabhiona militok ko og pag-ampo ug nangutana, “Langitnong Amahan, tinuod ba ang Imong Anak?” Dayon mibati ako og init kaayo nga pagbati sa sulod. Nasayod ko nga ang Dios mitubag sa akong pag-ampo. Human niana, misulti ko og ampo sa pasalamat ngadto sa Langitnong Amahan tungod sa pagtubag nako. Nakahibalo ko nga Siya naminaw sa akong mga pag-ampo ug nga Siya maminaw usab sa imoha.