Gikan sa Unang Kapangulohan
Ang Ehemplo sa Akong Lola sa Tuhod
Gikuha gikan sa “Ang Doktrina ni Jesukristo Yano,” Liahona, Nob. 2024, 96–99.
Ang akong lola sa tuhod nga si Mary Bommeli adunay debosyon sa pagpakigbahin sa ebanghelyo ni Jesukristo. Ang iyang pamilya gitudloan sa mga misyonaryo didto sa Switzerland sa dihang siya 24 anyos.
Human mabunyagan, si Mary mibalhin ngadto sa Germany. Apan iyang nakaplagan nga dili siya makapugong sa pagpakigbahin sa mga butang nga iyang nakat-onan. Ang mga tawo libot nga magpundok aron maminaw niya nga magtudlo samtang naghablon og panapton.
Si Mary namulong kabahin sa Basahon ni Mormon ug sa pagbisita sa Langitnong Amahan ug ni Jesukristo kang Joseph Smith. Siya nagtudlo mahitungod sa Pagkabanhaw. Siya nagpamatuod nga ang mga pamilya mahimong manag-uban sa hangtod.
Ang pagtudlo sa mga anak sa Langitnong Amahan mahitungod kang Jesukristo usa ka sagradong buhat. Samtang itudlo nato kini nga mga baroganan ngadto niadtong atong gihigugma, ang Espiritu Santo motabang kanato nga masayod sa kamatuoran.
Pagdrowing og Istorya sa Pamilya
Si Presidente Eyring nadasig sa iyang lola sa tuhod. Kinsa sa inyong pamilya ang nakadasig ninyo nga pilion ang matarong? Gamita ang mga panid sa ubos aron magdrowing og istorya sa pamilya.
Paghulagway pinaagi ni Shawna J. C. Tenney