Ang Akong mga Pulong sa Ebanghelyo

Ang pagkatinugyanan usa ka responsibilidad sa pag-atiman sa usa ka butang nga mahinungdanon. Ang Langitnong Amahan misalig kanato sa pagkatinugyanan sa kalibotan. Kini nagpasabot nga Siya mihangyo nato sa pag-atiman ug pagpanalipod sa Iyang matahom nga kalibotan.

Paghinulsol ang paagi aron kita makadangop kang Jesukristo kon kita makahimo og sayop nga pagpili. Sa paghinulsol, kinahanglan nga kita mobati nga nagbasol sa unsay atong nabuhat, mangayo og tabang ug kapasayloan sa Langitnong Amahan, ug maningkamot nga tarongon kini. Tungod sa Pag-ula sa Manluluwas, kita makatalikod gikan sa dili maayo nga mga pagpili ug makahimo hinuon og maayo nga mga pagpili.

Ang celestial nga gingharian mao ang dapit diin ang Langitnong Amahan ug si Jesukristo nagpuyo. Pinaagi sa pagpili nga mosunod ni Jesukristo, kita makapuyo didto sa umaabot nga adlaw kauban sa atong pamilya sa kahangtoran.

Ang pagkabanhaw mao ang higayon nga ang imong espiritu ug lawas mag-uli pag-usab human ka mamatay. Sa higayon nga ikaw mabanhaw, ang imong lawas hingpit na, ug dili ka na masakit o mamatay. Tungod sa Pag-ula ni Jesukristo, ang tanan mabanhaw.