Hello gikan sa Taiwan!

Sa Taiwan kasagaran sa mga eskwelahan ug sa mga opisina ang matulog og kadyot human sa paniudto.

Ang plum blossom nahimong opisyal nga simbolo sa Taiwan niadtong 1964. Gipili nila kini tungod kay mamulak kini bisan panahon sa tingtugnaw.

Ang Taipei 101 mao ang kinatas-an nga bilding sa Taiwan. Kini adunay paspas kaayo nga elevator nga mokabat lang og 37 segundos ang pag-adto gikan sa ika-5 hangtod sa ika-89 nga andana.

Sobra sa katunga sa Taiwan ang kabukiran. Duna usab daghang mga bulkan, apan wala kini mobuto sulod sa gatosan ka tuig.

Ang labing dugay nga bangaw sa kalibotan nahitabo sa Taiwan. Ang mga tawo makakita niini sa hapit siyam ka oras!

Ang Lantern Festival sa Taiwan usa ka simbolo sa paglaum, kalipay, ug panaghiusa. Atol niining dakong pista, ang mga tawo naghimo ug mga lantern ug gipalupad kini ngadto sa langit.