Pagkat-on ug Paglambo
Kita mianhi sa yuta aron makat-on ug molambo ug mahimong sama sa Langitnong Amahan sa umaabot nga adlaw (tan-awa sa Moises 1:39). Usahay kita makahimo og mga pagpili nga dili ta makapasigarbo. Kon kita makasala o makahimo og sayop, kini kahigayonan alang nato nga modangop ngadto ni Jesukristo.
Kamo kanunay nga makalambo ug makasulay pag-usab kon kamo makahimo og sayop o dili maayo nga pagpili. Ang Langitnong Amahan ug si Jesukristo nahigugma kaninyo sa hingpit ug kanunay nga makatabang ninyo!
Ang Tanan Makahinulsol
Ang pagpili nga mohimo og usa ka butang nga nakahibalo kamo nga supak sa mga sugo sa Dios usa ka sala. Ang Langitnong Amahan nakahibalo nga kita makasala ug makahimo og dili maayo nga mga pagpili. Mao nga Iyang gipadala ang Iyang Anak, si Jesukristo. Tungod Kaniya, kita makahinulsol, makabati sa Iyang gugma, ug makahimo og mas maayo nga mga pagpili (tan-awa sa Enos 1:5–6). Hinumdomi, ang Ginoo misaad, “Tan-awa, siya nga naghinulsol sa iyang mga sala, siya pasayloon, ug Ako, ang Ginoo, dili na mahinumdom pa niini” (Doktrina ug mga Pakigsaad 58:42).
Pagkat-on gikan sa mga Sayop
Ang mga sayop mao ang mga butang nga aksidente ninyong nahimo. Usahay ang mga sayop makapabati ninyo og kasubo o kaulaw. Apan dili kinahanglan nga kita motutok sa atong mga sayop! Mahimo kitang makat-on gikan niini ug pasagdan na kini. Si Jesukristo makatabang usab nato kabahin niini.
Paghulagway pinaagi ni Tatsiana Burgaud