Մեր գեղեցիկ աշխարհը

Ես ու կինս մեր մի քանի թոռներին տարանք մի հոյակապ այգի Ֆրանսիայում: Մենք հիանում էինք գեղեցիկ ծաղիկներով, ջրաշուշաններով և լճակներով։

Այգին նախկինում պատկանում էր Կլոդ Մոնե անունով մի մարդու։ Նա մեծ նկարիչ էր։ Նա 40 տարի խնամքով աշխատել է իր այգու վրա: Նա ստեղծել է հարյուրավոր նկարներ, որոնց ոգեշնչումը ստացել է իր այգուց։

Բնության գեղեցկությունները կարող են օգնել մեզ երախտագիտությամբ լցվել մեր Երկնային Հոր և Նրա Որդու՝ Հիսուս Քրիստոսի հանդեպ: Նրանք ստեղծեցին այս գեղեցիկ երկիրը լեռներով, առուներով, բույսերով և կենդանիներով:

Այս հրաշալի ստեղծագործությունները ցույց են տալիս, թե որքան շատ է Աստված սիրում մեզ: Ինչևէ, դրանց հետ միասին տրվում են պարտականություններ և պատասխանատվություններ։ Սա կոչվում է լինել տնտես։ Մենք պետք է հոգ տանենք այն բաների մասին, որոնք Աստված ստեղծել է մեզ համար:

Մեր Երկնային Հայրը նաև հրավիրում է մեզ միանալ Իր ստեղծագործական աշխատանքին: Մենք կարող ենք ստեղծել արվեստի գործեր, երաժշտություն և այլ բաներ՝ մեր կյանքը լուսավորելու և ուրիշներին օրհնելու համար:

Աստված մեծ օրհնություններ է խոստանում, եթե մենք սիրենք և հոգ տանենք երկրի և միմյանց մասին: Եթե անեք դա, դուք ավելի շատ կզգաք Նրա սերը ձեր կյանքում:

Թղթի կտորներով արվեստի գործեր

Եպիսկոպոս Կոսեն ուսուցանում է, որ մենք նույնպես կարող ենք դառնալ արարիչներ։ Ահա մի ձեռքի աշխատանք, որը կարող եք պատրաստել՝ ձեզ հիշեցնելու Երկնային Հոր գեղեցիկ ստեղծագործությունների մասին:

1. Գտեք բնության մեջ ինչ-որ բանի նկար, որը ձեզ ոգեշնչում է:

2. Թղթի վրա մատիտով նկարեք նկարի տարբեր մասերը:

3. Պատռելով մանրացրեք գունավոր թուղթը՝ ձեր նկարում օգտագործելու համար:

4. Թերթիկները փակցրեք ձեր ուրվագծի ներսում:

Բացել PDF-ը

Նկարը՝ Մադի Բեյքերի