Ma‘á e Fānau Lalahi Angé

ʻOku ou saiʻia ke tokoni ke ongoʻi ʻe he kakaí ʻoku ʻofaʻi kinautolu ʻo aʻu ki he taimi ʻoku ʻikai fie feohi ai ʻa e kakai kehé mo kinautolú. ʻOku ou ʻilo ko e fānau kotoa kitautolu ʻa e Tamai Hēvaní pea ʻokú Ne ʻofa ʻi he tokotaha kotoa pē.

Simana G., taʻu 10, ʻAnisoātekī, Venesuela

ʻI ha pō ʻe taha, naʻá ku ʻā hake ʻoku mamahi ʻaupito hoku vaʻé. Naʻá ku fiemaʻu ha tāpuaki ʻo e lakanga fakataulaʻeikí, ka naʻe ʻikai faingamālie ʻeku tamaí. Naʻe lotu ʻeku faʻeé ke fiemālie hoku ʻatamaí mo e sinó pea ke tokoni ke u mohe. ʻI heʻene lotú, naʻá ku maʻu ha ongo fakamāfana mo nonga, pea naʻá ku lava ʻo mohe.

Leti T., taʻu 10, ʻIutā, USA

ʻOku finangalo ʻa e Tamai Hēvaní ke tau houngaʻia ʻi he ngaahi meʻa ʻoku tau maʻú (vakai, Tokāteline mo e Ngaahi Fuakava 59:15). Kumi ʻa e ongo kōlomu ʻoku tatau kotoa ʻa e ngaahi meʻa ʻi aí ke vakai pe ko e hā ʻa e meʻa ʻoku houngaʻia ai ʻa e tamasiʻi ko ʻení.

Te tau lava ʻo muimui ʻia Sīsū Kalaisi ʻaki hono fili ʻa e totonú. Te ke lava nai ʻo mateʻi mai pe ko e foʻi mama FKT fē ʻoku hoa mo e lea fakafonuá?

1

2

3

4

5

6

7

8

1. Faka-Siapani

2. Faka-Lūsia

3. Faka-Pilitānia

4. Talanoa Fakaʻilonga Nima Faka-ʻAmeliká

5. Faka-Takaloka

6. Faka-Hōlani

7. Faka-ʻAlepea

8. Faka-Kemipōtia

Naʻa mo e fanga kiʻi meʻa iiki ʻoku tau fakahokó ʻe lava ke tokoni ia ki he niʻihi kehé (vakai, Tokāteline mo e Ngaahi Fuakava 64:33). Tokoni ki he ngaahi kaungāmeʻa ko ʻení ke fakamaʻa ʻa e pāká! Ko e hala fē ʻoku lahi taha ai ʻa e ʻū meʻa lanu molí? Ko e fē ʻoku lahi taha ai ʻa e pepá? Fēfē ʻa e ngeʻesi kapá?