Mei he Kau Palesitenisī ʻUluakí
Ko e Laumālie Māʻoniʻoní
Naʻe toʻo mei he “Kaumeʻa ki he Kaumeʻa: Ko e Muimui ʻia Sīsuú” (vitiō), Gospel Library.
Ko ʻeku Kuifefine ko Sesitií naʻe lahi taha ʻi hono ngaahi tuongaʻane mo e tokoua ʻOlosení, pea naʻá ne faʻa tokangaʻi kinautolu. ʻI he faʻahitaʻu māfaná, naʻa nau vaʻinga ʻi ha tafenga vai mōmoa ofi ki honau ʻapí ʻi Kāsolo Teili, ʻIutā, USA. ʻI he ʻaho ʻe taha naʻe fanongo ʻa Sesitī ki ha leʻo. ʻAve ʻa e fānaú mei he tafenga vaí. Ka na‘e ‘ikai ke fanongo ʻa Sesitī. Naʻa nau fiefia.
Naʻá ne toe fanongo pē ki he leʻó. Ka naʻe hoko atu pē ʻene vaʻingá. Pea naʻe toe ongo mai ʻa e leʻó ko hono tuʻo tolú. Mavahe mei he tafenga vaí.
ʻI he taimi ko ʻení naʻe fakavaveʻi ʻe Sesitī ʻa e fānaú ke nau hake. Fakafokifā, naʻa nau fanongo ki ha meʻa ʻoku ʻuʻulu mai. Naʻe tafe hifo ha fuʻu vai lahi mei he ʻotu moʻungá. Koeʻuhí naʻe fakafanongo ʻa e Sesitī ki he Laumālie Māʻoniʻoní, naʻá ne fakahaofi kotoa ʻenau moʻuí.
ʻE lava ke fakatokanga mai ʻa e Laumālie Māʻoniʻoní ʻi he taimi ʻoku ʻamanaki ke hoko ai ʻa e faingataʻá. ʻOku ʻofa hoʻo Tamai Hēvaní ʻiate koe. ʻOkú Ne ʻafioʻi hoʻo ngaahi ngāue angatonu mo ʻofá, pea te Ne tāpuakiʻi ai koe.
Pāsolo Ueʻí
Ko e ueʻí ko ha fakakaukau pe ongo ia mei he Laumālie Māʻoniʻoní ke fakahoko ha meʻa. ʻI he talanoa ʻa Palesiteni ʻOakesí, naʻe ueʻi ʻe he Laumālie Māʻoniʻoní ʻa Sesitī ke ʻave ʻa e fānaú mei he tafenga vaí. Ko e hā ʻa e meʻa naʻe ueʻi ʻe he Laumālie Māʻoniʻoní ʻa e fānau takitaha ko ʻení ke nau faí? Ke ʻiloʻí, tā ha laine ʻi he vahaʻa ʻo e ongo puha lanu tataú. ʻOua ʻe kolosi ʻi ha toe laine kehe!
ʻŪ tā fakatātā ʻa Corey Egbert