Ngaahi Kaungāmeʻa ʻi he Funga ʻo e Māmaní

Fānau Palaimeli ʻoku nau pukepuke hake ha ʻū tā valivali ʻo e ngaahi fakatupu ʻa e ʻOtuá

Naʻe fakahoko ʻe he fānau ʻi Tasimēnia, ʻAositelēliá ha ʻekitivitī ʻa e Palaimelí ke tā valivali ha ʻū fakatātā ʻo Sīsū Kalaisi. Naʻa nau fuʻu saiʻia ʻaupito ai naʻa nau fai ai ha ʻekitivitī ʻe taha ke tā valivali ʻa e ngaahi fakatupu ʻa e ʻOtuá.

Ngāue fakameaʻa ʻa ha kiʻi taʻahine hono tā valivali ʻo e temipalé

Kamila S., taʻu 13, ʻIutā, USA

Tā fakatātā ʻe ha kiʻi tamasiʻi ʻa e ʻāngelo ko Molonaí ʻi he taua ʻo e temipalé

Haikumi J., taʻu 9, Keiongi-tō, Kōlea Tonga

Taʻahine ʻokú ne pukepuke ʻene ngāue fakameaʻa pepa ʻo e temipalé

Monika W., taʻu 7, Palana, Palāsila

Ko e sipela ʻa e folofolá ʻaki ha ʻū kongokonga papa

“Ngaahi folofolá,” Tēvita J., taʻu 6, ʻAitahō, USA

Tā fakatātā ʻa ha kiʻi tamasiʻi ʻo ha ongo manupuna

Kusitavo L., taʻu 10, Potungāue Monitiviteó, ʻUlukuai

ʻOku ou fiefia ke ʻalu ki he temipalé ʻi ha ʻaho. ʻOku ou ʻilo te u ongoʻi ofi ki he Tamai Hēvaní mo Sīsū Kalaisi ʻi heʻeku ʻi aí.

Seiti S., taʻu 8, Saute Kalolaina, USA

Naʻá ku tohi fekauʻaki mo hoku papitaisó ʻi heʻeku tohinoá. ʻOku lahi ʻeku ngaahi manatu melie mei he ʻaho ko iá. Naʻe momoko ʻa e vaí, ka naʻe māfana, fiefia, mo nēkeneka hoku lotó!

Lenitoni M., taʻu 8, Veisinia, USA

Naʻá ku ako ko e taimi ʻoku ou ilifia ai pe ʻi ai haʻaku ngaahi fehuʻí, ʻoku totonu ke u lotu. ʻOku ou houngaʻia ʻi he fanongo mai ʻa e Tamai Hēvaní mo tali ʻeku ngaahi lotú.

ʻApikale W., taʻu 8, Hongo Kongo, Siaina

Naʻe puke lahi ʻaupito ʻemau kulī ko ʻElí pea taʻeʻamanekina ʻene mālōloó. Naʻa mau manatu ki he maama mo e fiefia naʻá ne ʻomi ki homau fāmilí. Naʻe fakafiemālieʻi kimautolu ʻe ha kāingalotu tokolahi ʻo e uōtí ʻaki ha fanga kiʻi tohi, fāʻofua, pea mo ha fanga kiʻi tamapua monumanu naʻe fōtunga tatau mo ʻElí! ʻI he ʻaho hono hokó naʻa mau ō ki ha ʻoupeni hausi ʻa e temipalé pea ongoʻi ha nonga lolotonga ʻa e tengihia homau fāmilí.

Seini, Litia, mo Meki S., taʻu 6, 8, mo e 3, Uāsingatoni, USA