Te U Lava ʻo Tokoni ke Langa ʻa Saione

ʻI he Tokāteline mo e Ngaahi Fuakavá, naʻe finangalo ʻa e ʻEikí ke tānaki ʻa e kakaí ki ha feituʻu ʻe taha ke lava ke nau muimui fakataha kiate Ia (vakai, Tokāteline mo e Ngaahi Fuakava 62:4). Naʻá Ne ui ʻeni ko Saione.

ʻOku ʻuhinga ʻa e Saioné “ko e loto-maʻa.” ʻOku ʻuhinga ia ʻe lava ʻe ha taha pē ʻoku fakahoko hono lelei tahá ke muimui kia Sīsū Kalaisí ʻo tokoni ke langa hake ʻa Saione.

ʻI he ʻaho ní, te tau lava ʻo langa ʻa Saione ʻi ha feituʻu pē ʻoku tau nofo ai! Te tau lava ʻo langa ʻa Saione ʻi hotau ngaahi fāmilí, uōtí, mo e koló pea pehē foki ʻi hotau lotó. Kuo akoʻi ʻe he kau palōfitá mo e kau ʻaposetoló ʻoku tau langa ʻa Saione ʻi he taimi ʻoku tau ngāue fakataha ai mo tokangaekina ʻa kinautolu ʻoku faingataʻaʻiá.

Ko ha ngaahi founga ʻeni te ke lava ai ʻo tokoni ke langa ʻa Saioné:

Fai ʻa e ngāue hisitōlia fakafāmilí.
Tokoni ki ha mātuʻa pe tokoua/tuofefine/tuongaʻane ʻi ʻapi.
Lau hoʻo folofolá.
Tokoni ki ho kaungāʻapí.
Fakalea ki ha taha foʻou ʻi he akó pe lotú.
Fakamolemoleʻi ha taha.
Lotua ha taha ʻoku faingataʻaʻia.

ʻOku kau ʻi he konga hono langa ʻo Saioné ʻa hono langa ʻa e ngaahi temipalé. Ko e taimi kotoa pē ʻokú ke fai ai ha meʻa ke tokoni ke langa ʻa Saioné, valivali ha konga ʻi he matapā sioʻata ʻo e temipalé.