Ko ha Faiva Fakailifia

Fai ʻe Pollyanna Mattos Vecchio

Ko ha talanoa moʻoni mei Palāsila.

ʻAuē!

Keio, ko e hā ʻa e meʻa ʻoku hokó?

Naʻá ku sio faiva pea naʻe fuʻu fakailifia ʻaupito.

Ko hoʻo sio pē ʻi ha vitiō ʻoku fakailifia pe te ke taʻefiemālie ai, ʻoku mahuʻinga ke tamateʻi ia pea haʻu leva ʻo talamai kiate au.

Te u lipooti ʻa e vitiō ko ʻení. ʻOku ʻikai totonu ke hulu ia ki he fānaú. Ta kiʻi mālōlō ʻo teuteu ke mohe.

Mami! ʻOku ou kei ilifia pē ʻi he foʻi vitioó.

ʻOku ou ʻilo naʻe fakailifia, ka ʻoku ou palōmesi atu naʻe ʻikai ke moʻoni ia.

Ta lotu ki he Tamai Hēvaní ke Ne lava ʻo tokoniʻi koe ke ke mohe.

Keio, fēfē kapau te ta faʻu pē haʻata foʻi vitiō ke ke sio ai?

Ngali fakalata ia!

Ko e faiva lelei tahá ʻeni!