Mālō e Lelei mei Kositā Lika!

ʻOku tuʻu ʻa Kositā Lika ʻi ‘Amelika Lotoloto. Ko e lea fakaʻofisialé ʻa e lea faka-Sipeiní. ʻOku nofo ai ha kakai ʻe toko 5 miliona tupu.

Matāfanga ʻo Kositā Liká

ʻOku maile ʻe 760 tupu (kilomita 1,220) ʻa e matāfanga ʻo Kositā Liká. ʻOku ʻi ai foki mo ha ʻū matātahi ʻoneʻone hinehina mo ʻuliʻuli ʻe 600 tupu nai ʻi he matāfangá!

Ngaahi Fuʻu Maka Misiteli

Naʻe faʻu ʻe he kakai Tikuisi ʻo Kositā Lika ʻi he kuonga muʻá ʻa e ngaahi fuʻu maka fuopotopoto ko ʻení. ʻOku teʻeki pē ke mau ʻilo ʻa e ʻuhinga naʻe faʻu ai iá pe founga hono fakaʻaongaʻí. Ko e hā ho fakakaukaú?

Faʻahitaʻu ʻe Ua

ʻOku ʻi ai ʻa e faʻahitaʻu ʻe ua ʻi Kositā Lika—ko e faʻahitaʻu mōmoá mo e faʻahitaʻu ʻuhá. ʻOku angamaheni ke mōmoa mei Tīsema ki ʻEpeleli pea ʻuhoʻuha ʻi he toenga ʻo e taʻú.

Monumanu Tuʻufonuá

ʻI he 2021, naʻe ui ʻa e silofí (sloth) ko e monumanu tuʻufonua ʻo Kositā Liká. ʻOku kau ʻi he fanga monumanu fakafiefia kehé ʻa e fanga tofuaʻá, tolofiní, pulu tahí (manatees), tukení (toucans), mo e teipá (tapirs)!

ʻAho ʻo e Tauʻatāiná

Ko e ʻAho ʻo e Tauʻatāina ʻa Kositā Liká ko e ʻaho 15 ʻo Sepitemá. Ko e fānaú ko ha konga mahuʻinga ia ʻo e ngaahi fakafiefiá. ʻOku nau tauʻolunga mo puke ha fanga foʻi maama ʻi he laka fakaʻalialí.