ʻOfa mei ʻOlunga
Mei ha ʻinitaviu mo Savana L. Tana mo Peletilī Salamoni ko hono III.
ʻI heʻeku tupu haké, naʻe akoʻi au ʻe heʻeku kau taki ʻi he Palaimelí ʻoku hangē ʻa e ngaahi fekaú ha ngaahi tohi ʻofa mei he ʻOtuá. ʻI heʻeku hoko ko ha faʻeé, naʻá ku fakakaukau lahi ki he akonaki ko ʻení! Tautautefito ki he taimi naʻá ku akoʻi ai ʻeku fānau īkí.
ʻI he kei siʻi hoku foha lahi tahá, naʻá ma saiʻia ʻi he taʻo kūkisi fakatahá. Naʻá ne saiʻia hono siofi ʻa e kūkisí lolotonga hono taʻo ʻi he ʻōvaní. Naʻá ku ʻosi fakatokanga ki ai ke ʻoua ʻe ofi ki ai. Ka naʻá ne fuʻu fie ʻilo ʻo ne ala ki ai mo ʻai hono matá ki he sioʻatá peá ne mamahiʻia ai. Naʻe ʻikai ke ne vela, ka naʻe fuʻu vela ʻa e ʻōvaní! Naʻe kamata ke ne tangi pea lele mai kiate au.
Koeʻuhí ko ʻeku ʻofa ʻi hoku fohá, naʻá ku fai ha fakatokanga kiate ia ke ne malu ai. ʻOku foaki mai ʻe he ʻOtuá ʻa e ngaahi fekaú koeʻuhí ʻokú Ne finangalo ke maluʻi kitautolu. ʻOku hangē moʻoni ʻa e ngaahi fekaú ko ha tohi ʻofa mei he ʻOtuá!
Naʻe folofola ʻa Sīsū Kalaisi, “Kapau ʻoku mou ʻofa kiate au, fai ʻeku ngaahi fekaú” (Sione 14:15). ʻOku fakahaaʻi ʻe he ʻOtuá ʻa ʻEne ʻofa kiate kitautolú ʻaki hono tuku mai ʻa e ngaahi fekaú. ʻI heʻetau tauhi ʻEne ngaahi fekaú, ʻoku tau fakahā ai kiate Ia, “ʻOku ou ʻofa atu foki mo au.”
Fakatauhoa ʻa e Fekaú
Tohi ʻa e mataʻitohi ʻo e fekau ʻoku hā atu ʻi laló ʻa ia ʻoku hoa mo e fakamoʻoni fakafolofolá.
-
Talangofua ki he Lea ʻo e Potó
-
Totongi vahehongofulu
-
Lotu
-
Fakaʻapaʻapa ki hoʻo mātuʻá
-
ʻOfa ʻi he niʻihi kehé
-
Tauhi ʻa e Sāpaté ke māʻoniʻoni
ʻŪ tā Fakatātā ʻa Sue Teodoro