Ko ʻEku Ngaahi Lea ʻi he Ongoongoleleí

Ko e ʻaukaí ʻa e taimi ʻoku ʻikai ke tau kai pe inu ai ʻi ha kiʻi taimi. ʻOku tau fai ʻa e feilaulau ko ʻení ke tau ongoʻi ofi ange ai ki he Tamai Hēvaní mo kole ha ngaahi tāpuaki. ʻOku tau kamata mo fakaʻosi ʻetau ʻaukaí ʻaki ha lotu.

ʻOku ʻuhinga ʻa e foʻi lea Sāpaté “ko ha taimi ke mālōlō,” pea ʻoku ʻuhinga ʻa e māʻoniʻoní ki he “fakatapui ki he ʻOtuá.” ʻOku tau ʻai ʻa e ʻaho Sāpaté ke māʻoniʻoni mo makehe ʻaki ʻetau ʻalu ki he lotú, mālōlō mei heʻetau ngāue angamahení, pea tokanga taha ki he Tamai Hēvaní mo Sīsū Kalaisi.

Ko e ʻahiʻahí ko e taimi ia ʻoku tākiekina ai kitautolu ke fai ha meʻa ʻoku hala pe fakafepaki ki he ngaahi fekau ʻa e ʻOtuá. ʻOku tau ʻi he māmaní ke ako ke ikunaʻi ʻa e ʻahiʻahí pea fili ʻa e totonú ʻi he tokoni mei he Tamai Hēvaní mo Sīsū Kalaisí.

ʻE lava ke hoko ʻa Saione ko ha faʻahinga feituʻu pē ʻoku moʻui ʻaki ai ʻe he kakaí ʻa e ongoongoleleí mo fetokoniʻaki. ʻOku ʻuhinga hono langa ʻo Saioné ki hono fakakau ʻa e niʻihi kehé, moʻui ʻaki ʻa e ongoongoleleí, mo e fetauhiʻakí.