Isang Pakikipagkwentuhan kay Melvis Tungkol sa Sakramento

Ako ay siyam na taong gulang, at ako ay mula sa Nigeria. Dalawa ang wika ko, ang Igbo at Ingles. Ang mga paborito kong libangan ay football at paglalaro. Apat kami sa pamilya ko—ako, ang mga magulang ko, at ang kapatid kong babae.

Ang mga paborito kong bagay tungkol sa pamumuhay sa Malaysia ay ang pagkain at ang kultura. Ang paborito kong pagkain ay nasi goreng (fried rice). Sa aking paaralan ay ipinagdiriwang namin ang Lunar New Year at iba pang mga pista opisyal mula sa iba’t ibang kultura.

Sa pagtanggap ng sakramento, pinapanibago ko ang mga tipan at pangakong ginawa ko sa Ama sa Langit. Alam ko na ang pagtanggap ng sakramento at pagtupad sa aking mga tipan ay nagdadala ng mga pagpapala, tulad ng pagsama sa akin ng Kanyang Espiritu para gabayan ako at bigyan ako ng kapanatagan na harapin ang mga hamon.

Sinisikap kong sundin si Jesus at mamuhay sa paraang tulad ni Cristo sa buong linggo. Sa sacrament meeting, gusto kong kinakanta ang mga himno. Sa sakramento, tahimik akong nagdarasal sa puso ko, at sinisikap kong maging mapitagan.

Ginagawa ko ang lahat para makinig sa mga mensahe pagkatapos ng sakramento. Gusto kong magsulat ng mga tala habang nakikinig. Pagkatapos ng simba ay nagkukuwento ako tungkol sa natutuhan ko sa aking ina at kapatid.

Lagi akong nagdarasal sa umaga kasama ang pamilya ko araw-araw. Sa paaralan, pinapayagan ko ang mga kaklase ko na gamitin ang laptop ko sa oras ng klase kapag nakalimutan nila ang kanilang laptop sa bahay. Ibinabahagi ko rin ang mga baon ko sa mga kaklase kong walang dala.

Sasabihin ko sa kanila na palayain ang kanilang isipan sa kanilang mga alalahanin at lahat ng iba pa. Pagnilayan lang ang mga biyaya at pagmamahal ng Diyos sa kanilang buhay.