Feinga ke ʻIlo Lahi Ange ki he Ngaahi Lauʻi Peleti Koulá!

~AD 421

Naʻe fakamaʻu ʻe he palōfita ko Molonaí ʻi he Tohi ʻa Molomoná ʻa e ʻū lauʻi peleti koulá. Naʻe akoʻi ʻi he ʻū lauʻi peletí fekauʻaki mo Sīsū Kalaisi. Naʻa nau toe fakamatalaʻi foki ʻa e hisitōlia ʻo e kakai ʻo Molonaí.

1823

ʻI heʻene hoko ko ha ʻāngeló, naʻe ʻaʻahi ʻa Molonai kia Siosefa Sāmita. Naʻe talaange ʻe Molonai naʻe tanu ʻa e ʻū lauʻi peleti koulá ʻi he Moʻunga ofi mai ko Komolá.

1827

Hili ʻa e teuteu ʻa Siosefa ʻi ha taʻu ʻe faá, naʻe falala ange ʻa e ʻEikí ke ne ʻave ʻa e ʻū lauʻi peletí ki ʻapi.

1828

Naʻe liliu ʻe Siosefa ʻa e ʻū lauʻi peletí ʻaki ʻene fakafanongo fakalelei ki he Laumālie Māʻoniʻoní. Naʻá ne ngāue ʻaki foki ha ngaahi meʻangāue makehe mei he ʻOtuá. Naʻá ne ngāue ʻaki ha foʻi maka naʻe ui ko e maka kikité mo e meʻangāue naʻe ui ko e ngaahi fakatonuleá pe ko e ʻŪlimí mo e Tūmemí ʻa ia naʻe tanu fakataha mo e ʻū lauʻi peletí.

1829

Naʻe tokoni ʻa e Tamai Hēvaní ke mahino kia Siosefa ʻa e meʻa naʻe hiki ʻi he ʻū lauʻi peletí. Naʻe tokoni ʻa ʻŌliva Kautele ke hiki ʻa e meʻa naʻe liliu ʻe Siosefá.

Naʻe mamata ha kakai ʻe toko hongofulu mā ua pe lahi ange ki he ʻū lauʻi peleti koulá. Ko e taha ʻo kinautolu ko Mele Uitemā. Te ke lava ʻo lau ʻa e fakamoʻoni ʻo e kau fakamoʻoni kehé ‘i he konga ki muʻa ‘o e Tohi ‘a Molomoná. Naʻe teʻeki ai fakaʻikaiʻi ʻe ha taha ʻo e kakai ko ʻení ʻa e meʻa naʻa nau aʻusiá.

1830

Naʻe paaki ʻa e fuofua tatau ʻo e Tohi ʻa Molomoná naʻe liliu ʻi he lea faka-Pilitāniá ʻi Palemaila, Niu ʻIoke, USA.

ʻAhó Ni

ʻOku lau ʻa e Tohi ʻa Molomoná ʻi he ʻahó ni ʻi he funga ʻo e māmaní! ʻOku liliu ia ki ha lea fakafonua ʻe 115. ʻOku vahevahe ʻe he kau faifekaú ʻa e Tohi ʻa Molomoná mo e tokotaha kotoa pē te nau lavá.