“Nonga Mei he Temipalé,” Ko e Kaumeʻá, Māʻasi 2025, 2–3.
Mei he Kau Palesitenisī ʻUluakí
Nonga mei he Temipalé
Toʻo mei he “ʻE Lelei ʻa e Meʻa Kotoa pē Koeʻuhí ko e Ngaahi Fuakava ʻo e Temipalé,” Liahona, Mē 2024, 24–27.
ʻI he ngaahi taʻu kuohilí, naʻá ku fakaʻuli ai mo hoku uaifí ke ʻaʻahi ki he Temipale Idaho Falls Idaho. Naʻe nofo pē homa ngaahi foha kei iiki ʻe toko faá ʻi ʻapi mo ha fefine naʻá ne tokangaʻi kinautolu.
ʻI heʻema teuteu ke foki ki ʻapí, naʻe talamai ʻe ha taha ʻo e kau ngāue temipalé kuo holo ki lalo ʻa e Tānakiʻanga Vai Tītoni ʻi he fakahahake ʻo ʻAitahoó! Ko e konga lahi homa koló naʻe tāfea.
Naʻá ku tūʻulutui mo hoku uaifí ʻo lotu ki he Tamai Hēvaní ke maluʻi ʻema fānaú mo e kakai ʻe lauiafe naʻe uesia ʻe he tāfeá. Naʻe mahino lelei ʻa e ngaahi leá ni ki hoku lotó mo e ʻatamaí: “Ko e hā pē ʻa e olá, ʻe lelei ʻa e meʻa kotoa pē koeʻuhí ko e temipalé.” Naʻá ma houngaʻia kimui ange ʻi heʻema ʻilo naʻe malu pē ʻema fānau tangatá.
ʻOku ʻikai ha meʻa ʻe toe mahuʻinga ange ʻi hono fakaʻapaʻapaʻi ʻo e ngaahi fuakava te ke fakahoko ʻi ha ʻaho ʻi he temipalé. Neongo pe ko e hā ʻa e meʻa ʻe hokó, ʻe lelei ʻa e meʻa kotoa pē koeʻuhí ko e ngaahi fuakava ʻo e temipalé.
Hala Fihifihi ʻo e Temipalé
ʻE lava ke ʻomi ʻe he temipalé ha nonga kiate kitautolu lolotonga ʻa e ngaahi taimi faingataʻá. Muimui ʻi he hala fihifihí ki he tumutumu ʻo e Temipale Idaho Falls Idaho!
Ngaahi tā fakatātā ʻa Alyssa Tallent