“Ko ʻEku Ngaahi Lea ʻi he Ongoongoleleí,” Ko e Kaumeʻá,Māʻasi 2025, 6.
Ko ʻEku Ngaahi Lea ʻi he Ongoongoleleí
Kumi ʻa e ngaahi foʻi lea mo e kupuʻi lea ko ʻení ʻi he tatau ko ʻeni ʻo e Ko e Kaumeʻá!
Ouau
Ko e ouaú ko ha ngāue toputapu, pe māʻoniʻoni, ʻoku fakahoko ʻaki ʻa e mafai ʻo e lakanga fakataulaʻeikí ʻi he huafa ʻo Sīsū Kalaisí. Ko e ngaahi sīpinga ʻe niʻihi ko e sākalamēnití, papitaisó, mo e hilifakinimá.
Fakamolemoleʻi ʻo e Ngaahi Angahalá
ʻI he taimi ʻoku tau fakatomala ai mo maʻu ha fakamolemole ʻo e ngaahi angahalá, ʻoku fakamolemoleʻi kitautolu ʻi he ngaahi fili hala kuo tau fakahokó. ʻOku malava ʻeni koeʻuhí ko Sīsū Kalaisi.
Angamalū
Ko e angamaluú ko e loto-fakatōkilalo, angavaivai, loto-fiemālie, mo talangofua. Naʻe tā ʻe Sīsū Kalaisi ha sīpinga ʻo e meʻá ni ʻi Heʻene kei ʻi he māmaní.
Kau Māʻoniʻoní
ʻI he Fuakava Foʻoú, ko e kakai māʻoniʻoní ʻa kinautolu kotoa naʻe fili ke papitaiso mo kau ki he Siasi ʻo Sīsū Kalaisí (vakai, Ngāue 9:13). ʻOku tau fakaʻaongaʻi ʻa e foʻi lea tatau kiate kinautolu ʻoku nau fili ke papitaiso ki Hono Siasí ʻi he ʻaho ní. Ko ha taha māʻoniʻoní ko ha taha ʻoku muimui ʻia Sīsū Kalaisi.
Ngaahi tā fakatātā ʻa Madison Baker