O Se Talanoaga ma Lili e uiga i le Faasoaina Atu o le Talalelei

Ou te fiafia e pese soo, ma ou te fiafia foi e siva. Pe a ou le pese ma siva, ou te fiafia e faatasi ma a’u uo i fafo i le siosiomaga faalenatura. Ou te fiafia foi e faitau.

I le taulaga o loo ou nofo ai, e leai se matou iunite o le Ekalesia, o lea matou te malaga ai mo le 30–40 minute e o ai i sauniga i Aso Sa ma gaoioiga i le aluga o le vaiaso. E fai si maomao, ae e le afaina lea ia te a’u. O se taimi sili lea e faalogologo ai i musika ma faasoesa ai i o’u uso ma tuagane, haha.

E nao a’u foi lava le tagata O Le Ekalesia a Iesu Keriso o le Au Paia o Aso e Gata Ai i la‘u aoga. Ou te auai i se aoga faa-Kerisiano ma ua ou faia ni faauōga maoae ma tamaiti o la’u vasega. E lagolagoina a’u e o’u faiaoga ma uo uma i lo’u faatuatuaga, ma e mafai ona ou ola ma le lototoa ma faasoa atu ou talitonuga.

I se tasi aso i le aoga, sa ou nofo ai i luga o se nofoa ma faitau le Tusi a Mamona. Sa fesili mai se tasi o la’u vasega ia te a’u e uiga i le tusi. Sa ou talanoa i ai ma faasoa atu ou lagona i le mafuaaga ou te fiafia ai e faitau. Sa ou faaaogaina foi le avanoa e faasoa atu ai la’u molimau e uiga ia Iesu Keriso.

Taulai atu i le lagonaina o le Agaga Paia! Tau lava ina lagona. O le a e iloa lava le taimi e tatau ai ona e tautala.