“Auala e 5 e Faasoa Atu ai le Talalelei,” Uo, Fepuari 2025, 38–39.
Auala e 5 e Faasoa Atu ai le Talalelei
Ata na tusia e Josh Talbot
I tusitusiga paia, ua talosagaina ai i tatou e Iesu Keriso e faasoa atu Lana talalelei i isi (tagai i le Mareko 16:15). O auala faigofie nei e lima e mafai ona e faasoa atu ai lau molimau i le Faaola i au uo ma aiga!
Aumai se uo.
E talia tagata uma i le lotu! Valaaulia se uo i le Peraimeri po o gaoioiga a le ekalesia.
Ia i ai se ata o Iesu Keriso ia te oe.
Oti ese le ata o Iesu ma ia teu ia te oe e manatua ai e mulimuli i Lana faataitaiga. A avea oe ma se faataitaiga lelei, ua e faasoaina atu foi le talalelei!
Tusi i lalo mau e te fiafia i ai.
A o e faitauina tusitusiga paia, tusi i lalo ni fuaiupu e te fiafia i ai. Afai e te vaai atu i se tasi o feagai ma se taimi faigata, e mafai ona e faasoa atu se mau ia i latou!
Faasoa atu lau molimau.
E mafai ona e faasoa atu lau molimau ia Iesu Keriso i le fale, aoga, po o le lotu. Tau lava o le taulai atu i ou lagona mo Ia ma ta’u atu mea o i lou loto. Tagai i le itulau e 16 e vaai pe na faapefea ona faasoa atu e Kupa lana molimau i le lotu!
Tatalo mo Isi.
Ua aoaoina i tatou e Iesu Keriso ia tatalo e le aunoa (tagai i le 3 Nifae 19:15–36). Afai e te le o mautinoa pe faapefea ona faasoa atu le talalelei i se tasi, fai se tatalo mo i latou, ma o le a fesoasoani le Tama Faalelagi ia te oe.