O Feagaiga ma le Atua

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai le “Feagaiga ma Tiutetauave,” Liahona, Me 2024, 93–96.

Ata o loo i ai ni vaega o loo faaalia ai se fomai o loo suesueina se tamaitiiti, o faifeautalai o loo aoao atu, o Iosefa Samita o loo saunoa atu i se vaega o le Au Paia anamua, ma se malumalu

O se feagaiga o se tautinoga e faataunuu ai ni tiutetauave patino. Mo se faataitaiga, o fomai ma le au fuimu e osifeagaiga e fesoasoani i isi. Ua folafola mai e faifeautalai e auauna atu i tagata ma aoao atu le talalelei.

Na tusi e perofeta e pei o Nifae ma Isaia e uiga i feagaiga na osia e le Tama Faalelagi ma Lona nuu i aso ua leva. E mafai ona tatou faitau e uiga ia i latou i tusitusiga paia.

Ina ua valaauina e le Atua ia Iosefa Samita e avea ma perofeta, sa Ia taialaina Iosefa e toefuatai mai feagaiga na leiloloa. Sa aoao atu e Iosefa tagata o le Ekalesia e uiga i le papatisoga, o le faamanatuga, ma le malumalu.

O le asō, ua aoao mai ai i tatou e Peresitene Nelson e mulimuli i le ala o le feagaiga. Ua fausiaina malumalu i le lalolagi atoa. E fesoasoani lenei mea i le toatele o tagata o le Ekalesia e osia feagaiga ma le Atua.

Ou te molimau atu afai e te taumafai e tausia au feagaiga, o le a faamanuiaina oe e Iesu Keriso.

Manatua Au Feagaiga

Na aoao mai Peresitene Oaks e uiga i le auala e mafai ai e mea faitino faapitoa ona fesoasoani ia i tatou e manatua ai a tatou feagaiga. Mo se faataitaiga, o se mama faaipoipo e faamanatu atu ai i tagata a latou feagaiga o le faaipoipoga.

Teuteu lenei talita e faamanatu atu ai ia te oe feagaiga ua e osia pe o le a e osia foi! A o tatou tausia a tatou feagaiga, e puipuia i tatou e le Tama Faalelagi, ma e mafai ona tatou tumau latalata atu ia te Ia.