Ua Mauaina e Iosefa Samita o Papatusi Auro

E mafai ona e faitau i lenei tala i le Talafaasolopito—Iosefa Samita 1:28–60.

Iosefa Samita o loo tilotilo atu i fafo o le faamalama

E tolu tausaga talu ona mavae le Uluai Faaaliga, ae lagona e Iosefa Samita le faanoanoa i nisi o mea sese na ia faia. Sa ia tatalo i le Tama Faalelagi e uiga i na vaega.

A o tatalo Iosefa, sa faatumulia le potu i le malamalama. Sa ia vaaia se agelu o tu i le ‘ea. O le igoa o le agelu o Moronae.

Ua asiasi mai le agelu o Moronae ia Iosefa Samita i totonu o lona potu

Na fai mai Moronae o loo i ai se tusi e faia i laupepa auro, po o papatusi. Sa tanumia i se mauga e latalata i le fale o Iosefa. O le tusi sa faatatau i tagata sa nonofo i Amerika i aso ua leva. Na fai mai Moronae o le a fesoasoani le Atua ia Iosefa e faaliliu le tusi.

O Iosefa Samita o loo tilotilo ifo i lalo i le lua e vaai i papatusi auro

Sa alu Iosefa i le mauga ma maua ai papatusi i lalo o se papa mamafa. Na sau Moronae ma fai mai e lei saunia Iosefa e ave papatusi i lena taimi.

O le agelu o Moronae o loo talanoa atu ia Iosefa Samita

Ina ua matua Iosefa, sa feiloai Moronae ia te ia i luga o le mauga ma tuu atu ia te ia papatusi. Sa ta’u atu e Moronae ia Iosefa e tausia i latou ia saogalemu.

Na amata ona faaliliu e Iosefa papatusi i le gagana Peretania. Sa ia faaaogāina meafaigaluega faapitoa mai le Atua e fesoasoani ai iā te ia. Na lolomiina le tusi i le 1830 o le Tusi a Mamona. E aoao mai lenei tusi e uiga ia Iesu Keriso ma Lana talalelei.