O A’u Upu o le Talalelei

O le perisitua o le pule ma le mana o le Atua lea na te tuuina mai ia i tatou e fesoasoani ai e fai Lana galuega i le lalolagi.

O se feagaiga o se folafolaga e te osia ma le Tama Faalelagi e usitai i Ana tulafono. Pe a tatou osia ma tausia a tatou feagaiga, e faamanuiaina i tatou e le Tama Faalelagi.

I le taimi e papatisoina ai oe, ua e osia se feagaiga ma le Atua. Ua e folafola atu ua e naunau e tauave le suafa o Iesu Keriso i ou luga, tausi poloaiga a le Atua, ma auauna atu pea ia te Ia. O se ua umia le perisitua e faia se tatalo faapitoa , faatofuina atoa oe i lalo o le vai, ma toe aumai oe i luga. O lenei mea ua faatusa i le tuua o au agasala ma le toe fanaufouina o se soo o Iesu Keriso.

Pe a maea ona papatisoina oe, e faamauina oe e se ua umia le perisitua, o se tagata O Le Ekalesia a Iesu Keriso o le Au Paia o Aso e Gata Ai. E te mauaina foi le meaalofa o le Agaga Paia, o lona uiga e mafai ona faatasi pea le Agaga Paia ma oe.

O leTogiola a Iesu Keriso o le taulaga lea na Ia faia mo i tatou. I le Faatoaga o Ketesemane, sa Ia puapuagatia mo a tatou agasala ma lagonaina o tatou tiga uma. Na maliu o Ia i luga o le satauro. Ona toetu mai lea o Ia mai le oti. Ona o Iesu Keriso, ua mafai ai ona tatou salamo ma faamagaloina mai i a tatou agasala.