“Talofa mai Kolomupia!” Uo, Fepuari 2025, 9–10.
Talofa mai Kolomupia!
Ata na saunia e Andy Elkerton
O Kolomupia o loo i le itu i mātū i sisifo o Amerika i Saute. E silia ma le 50 miliona tagata e nonofo ai iina! O le gagana autu a Kolomupia o le faaSipaniolo.
Manua Piniki
E mafai ona suia le lanu o le manua piniki o le vaitafe o Amasone! E fananau mai i latou e efuefu ona mafai lea ona piniki a o faasolo ina matutua.
O Le Aai Leiloa
O La Ciudad Perdida (“o le Aai Leiloa”) o se taulaga tuai lea sa masani ona nonofo ai tagata pe tusa o le 1,225 tausaga ua mavae. E i totonu o le vaomatua o Kolomupia.
Sisi i totonu o le Sukalati
O se meaai e sili ona fiafia i ai i Kolomupia o le ti sukalati vevela ma le sisi e liusuavaia ai i totonu.
Vaitafe Nuanua
O Caño Cristales o se vaitafe ua lauiloa o se “nuanua vai” po o le “vaitafe e lima lanu.” E tele laau felanulanuai i le pito i luga o le vaitafe.
Vaomatua
E tusa o le afa o Kolomupia ua ufitia i le vaomatua. O vaomatua tetele e lua i le atunuu o le Amasone ma le Chocó.