Vaavaai atu i le Malamalama

A o ou laitiiti, sa nonofo lo’u aiga i se faatoaga. O la’u galuega o le fafagaina lea o povi. O le fale o manu sa umi se savaliga mai lo’u fale. Sa le o se feau faigofie lenei mo a’u e fai.

O nisi aso sa ou savali ai i le pogisa. Ina ua oo i le taimi e toe savali ai i le fale, sa ou lagona le fefe tele! Sa foliga mai e mamao tele lo’u fale. O le taimi lava ou te laa atu ai i le faitotoa o le pa e latalata i lo’u fale, ou te tamoe lava seia ou oo i le fale.

Sa mafai ona ou vaaia le malamalama o sau mai i faamalama o lo’u fale. Afai ou te taulai atu i lena malamalama, o le a ou le fefe tele. Na tuuina mai e le malamalama ia te a’u se faamoemoega. Ae ina ua ou aveesea lo’u taulaiga mai le malamalama, sa lagona le lofituina o lo’u fefe.

E faigofie lava ona lagona le fefe i le lalolagi i aso nei. Ae afai tatou te taulai atu pea i le malamalama o Keriso, o le a faaitiitia le malosi o o tatou lagona fefe. O aso taitasi, e mafai ona tatou filifili: Pe o le a tatou taulai atu i le pogisa pe taulai atu i le malamalama?

O i tatou o fanau a le Atua. O le a Ia taitai atu i tatou ma le saogalemu i lo tatou aiga faalelagi.

Ata na tusia e Simona Love