Mulimuli ia Iesu i Kolomupia

E mulimuli Ruben ia Iesu Keriso e ala i le faasoaina atu o le talalelei. I se tasi Aso Sa, sa talosagaina ai e le peresitene o le Peraimeri tamaiti taitasi e tuuina atu se Tusi a Mamona i se tasi. Sa talanoa Ruben i ona matua ma lisi mai ni tagata e mafai ona ia tuuina atu i ai se tasi. Sa ia filifili e tuuina atu se Tusi a Mamona i se sikulati sa ia feiloai i ai ina ua siitia atu lona aiga i se aai fou. Sa popole o ia, ae sa ia tatalo i le Tama Faalelagi mo se fesoasoani.

“A ou mulimuli ia Iesu, ou te lagona le fiafia. E i ai tagata e manaomia la’u fesoasoani,” o lana tala lea. “Pe a ou fesoasoani i isi, ou te lagona le filemu.”

Faatasi ai ma lona aiga, e fiafia o ia e faitau tusitusiga paia, suesue i le Sau, Mulimuli Mai ia te Au, ma ai le aisa kulimi. E auauna atu o ia i lona aiga e ala i le faia o feau ma le vaavaaia o lona tuafafine laitiiti.

Tausaga: 10

Mai: Cundinamarca, Kolomupia

Gagana: Sipaniolo

Sini: Avea ma se inisinia o fale po o se tagata taalo soka

Mea e fiafia i ai: Taaalo i taaloga vitio, alu i le paka, ma taina le piano

Aiga: Ruben, Tinā, Tamā, ma lona tuafafine laitiiti

Tala Faatusipaia: Ina ua faatoafilemu e Iesu Keriso le sami (tagai i le Mareko 4:35–41). O loo faaalia ai le auala e mafai ai e Iesu ona faatoafilemu i tatou pe a tatou popole.

Aso Malolo: Kerisimasi—E fiafia Ruben e faasoa meaalofa ma lona aiga!

Fualaau Taumafa Mata ma Fualaau Faisua: Fa‘i ma broccoli

Lanu: O lanu o le fu’a o Kolomupia (samasama, moana, ma le mumu)

Pese Peraimeri: “Tausi Poloaiga“ (Tusipese a Tamaiti, 68.)

Ata na pueina e Carolina Triana