O Gaoioiga o le Sau, Mulimuli Mai ia te A’u

E mafai ona tatou mulimuli ia Iesu Keriso ma o tatou loto atoa (tagai i le Mataupu Faavae ma Feagaiga 4:2). Oti ni pepa fatu laiti se sefulu. I fatu taitasi, tusi se auala se tasi e mafai ona e mulimuli ai i le Faaola. Tuu fatu ia fesiliai le tasi ma le isi i se li’o ma kelū i le tulaga e fai ai se pale.

E mafai e le Atua ona tuuina mai ia i tatou tali i a tatou fesili e ala i le Agaga Paia (tagai i le Mataupu Faavae ma Feagaiga 6:23). O nisi taimi e manaomia ai ona tatou taulai moni atu ina ia malamalama i le savali. Avane se moliuila, ma tapē moli o le potu. E faaaoga e se tasi tagata le moliuila e tusi ai se ata po o ni mataitusi i luga o le puipui. O isi e taumafai e mate mai po o le a lena mea. E faapefea ona pei le moliuila o le Agaga Paia?

Ua aoao mai tusitusiga paia e tatau ona tatou tatalo pea i le Tama Faalelagi (tagai i le Mataupu Faavae ma Feagaiga 10:5). Faaaoga vali po o faailoga e teuteu ai se maa sololelei i upu po o ata e faamanatu atu ai ia te oe o Ia. A mago le maa, tuu i autafa o lou moega e faamanatu atu ai ia te oe e tatalo i taeao ma po taitasi.

Fai mai tusitusiga paia e tatau ona tatou fesoasoani e “aumai agaga ia [Keriso]” (Mataupu Faavae ma Feagaiga 16:6). O lona uiga o le fesoasoani i isi ia aoao e uiga i le Tama Faalelagi ma Lana fuafuaga mo i tatou. Oti ese kata mai pepa ma tusi ai se mau i luga. Tuu atu se kata i se faiaoga, uo, po o se tagata o le aiga e faasoa atu ai le talalelei ia i latou.