Filemu i le taimi o le Faamanatuga

O le mea o loo ou nofo ai, ua na o a‘u ma lo’u aiga tagata o le Ekalesia. Na o a’u lava e lotu i le matou aoga. Sa tele ina manaomia ona ou tu atu mo lo’u talitonuga ia Iesu Keriso i a’u uo i le tele o taimi. E le faigofie, ae ou te iloa e tatau ona ou filifili le mea sao. O se tasi o auala ou te filifilia ai le mea sa’o o le tufaina atu lea o le faamanatuga.

Sa ou popole e tufa le faamanatuga mo le taimi muamua. Sa ou le manao e sulu ma pa‘ū. Sa aoaoina au e la’u uo i le mea e fai. Sa ia fesoasoani mai ia te au i lo’u Aso Sa muamua. O le Aso Sa anapogi foi lea, o lea sa ou anapogi ai ma tatalo ina ia aua nei ou faia se mea sese. Sa ou lagona le fiafia ina ua uma ona ou tufaina le faamanatuga, ma sa ou iloaina sa ou faia le mea sa’o. Sa ou lagonaina le filemu.

O le faamanatuga e mafai ai e tagata uma ona faafou a latou feagaiga. E ofoofogia le lagona o le fesoasoani atu i isi. Ou te ta’u atu i isi tiakono fou o e popole i le tufaina atu o le faamanatuga e tatalo ma faataitai. O se aafiaga sili lea. E tusa lava pe e te lagonaina e le a le sa’o lou faiga, o le a e faia le mea sili ma lagona le fiafia pe a uma.

Ata na tusia e Chrisanne Serafin