“ʻOku Anga Fēfē Hoʻo Maʻu ha Ngaahi Kaungāmeʻá?” Ko e Kaumeʻá, Sānuali 2025, 38–39.
Ngaahi Tali meiate Kimoutolú
ʻOku Anga Fēfē Hoʻo Maʻu ha Ngaahi Kaungāmeʻá?
Naʻa mau kole ki he fānau ʻi he funga ʻo e māmaní ha fanga kiʻi tokoni ki he founga ke maʻu ai ha ngaahi kaungāmeʻá. Ko ʻenau ngaahi talí ʻeni.
ʻOku ou maʻu ha ngaahi kaungāmeʻa ʻi heʻeku fakafeʻiloaki au mo takimamata holo ha kakai foʻoú. ʻOku ou kamata talanoa mo vaʻinga mo kinautolu. Ko ha kaungāmeʻa lelei au ʻaki ʻeku tokoniʻi hoku ngaahi kaungāmeʻá ʻi honau ngaahi faingataʻaʻiá mo tokoniʻi ʻa e niʻihi kehé ke nau ongoʻi lahi ange ʻoku nau kau mai.
Presley F., taʻu 10, British Columbia, Canada
Te u pehē ange “mālō e lelei” pea fakaafeʻi kinautolu ke mau vaʻinga mo fiefia.
Jett J., taʻu 8, Queensland, Australia
ʻUluakí ke ke lea “mālō e lelei,” peá ke anga lelei.
Rachel C., taʻu 9, South Cotabato, Philippines
ʻOku ou fai ha fakahīkihiki moʻoni.
Haleigh N., taʻu 10, Idaho, USA
Naʻá ku ʻalu mo ha popi koane maʻa hoku kaungāmeʻá. ʻOku finangalo ʻa e Tamai Hēvaní ke tau tokoniʻi ʻa e niʻihi kehé ke nau ongoʻi ʻa e ʻofa ʻa e Fakamoʻuí.
Allison K., taʻu 9, Utah, USA
ʻOku ou saiʻia ke sio ki he anga ʻo e feohi hoku ngaahi kaungāmeʻá mo e niʻihi kehé. Ko e kī ke hoko ai ko hoku kaungāmeʻá ko e moʻui ʻaki ʻa e ngaahi tuʻunga moʻui ʻoku leleí.
Lesley A., taʻu 12, Central Region, Ghana