Ko ʻEku Ngaahi Lea ʻi he Ongoongoleleí

Kumi ʻa e ngaahi foʻi lea mo e ngaahi kupuʻi lea ko ʻení ʻi he makasini ko ʻeni ʻo e Ko e Kaumeʻá!

Ko e ʻUluaki Mata Meʻa-Hā-Maí

Ko e ʻUluaki Mata Meʻa-Hā-Maí ʻa e taimi naʻe ʻaʻahi ai ʻa e Tamai Hēvaní mo Sīsū Kalaisi kia Siosefa Sāmita hili ʻene lotú. Naʻá ne fie ʻilo pe ko e siasi fē ke kau ki aí. Naʻá Na folofola ange kia Siosefa te ne tokoni ke fokotuʻu ʻa e Siasi moʻoni ʻo Sīsū Kalaisí ʻi he māmaní.

Vao ʻAkau Tapú

Ko e Vao ʻAkau Tapú ʻa e feituʻu naʻe maʻu ai ʻe Siosefa Sāmita ʻa e ʻUluaki Mata Meʻa-Hā-Maí. Naʻe hoko ia ʻi he vaotā ofi ki he ʻapi ʻo Siosefá ʻi Palemaila, Niu ʻIoke, USA.

Fakafoki Mai ʻo e Ongoongoleleí

ʻOku ʻuhinga ʻa e fakafoki ha meʻá ke fakafoki ia ki he founga naʻe ʻi ai ʻi muʻá. Ko e Fakafoki Mai ʻo e Ongoongoleleí ʻa e meʻa ʻoku tau ui ko hono fakafoki mai ʻe Sīsū Kalaisi ʻEne ongoongolelei moʻoní ki he māmaní. Naʻe kamata hono Fakafoki Mai ʻo e Ongoongoleleí ʻi he taimi naʻe maʻu ai ʻe Siosefa Sāmita ʻa e ʻUluaki Mata Meʻa-Hā-Maí. ʻOku kei maʻu pē ʻe Palesiteni Lāsolo M. Nalesoni ha fakahā maʻá e Siasí ʻi heʻene hoko ko hotau palōfita. ʻOku ʻuhinga ʻeni ʻoku hokohoko atu hono Fakafoki Mai ʻo e Ongoongoleleí ʻi he ʻahó ni!

Fakahā

Ko e fakahaá ʻa e founga ʻoku folofola mai ai ʻa e Tamai Hēvaní kiate kitautolú. ʻOku tau maʻu ha fakahā ʻo fakafou ʻi he Laumālie Māʻoniʻoní. Te Ne lava ʻo ʻomi ha ngaahi ongo ki hotau lotó mo ha ngaahi fakakaukau ki hotau ʻatamaí.